Feasts - أعياد Major Feasts of The Lord - الأعياد السيدية الكبار Nativity Vespers & Midnight Tasbeha Psali Adam - Tuesday :: Ⲁⲩⲙⲓⲥⲓ ⲛⲁⲛ ⲙ̀ⲫⲟⲟⲩ :: إبصالية آدام - الإثلاثاء
Ⲁⲩⲙⲓⲥⲓ ⲛⲁⲛ ⲙ̀ⲫⲟⲟⲩ: ⲛ̀ⲟⲩⲤⲱⲧⲏⲣ Ⲓⲏ̅ⲥ̅: ⲛ̀ϩ̀ⲣⲏⲓ ϧⲉⲛ Ⲃⲏⲑⲗⲉⲉⲙ: ⲛ̀ⲧⲉ ϯⲒⲟⲩⲇⲉⲁ̀.
Ⲃⲟⲛ ⲟⲩⲛⲓϣϯ ⲛ̀ⲣⲁϣⲓ: ⲁϥϣⲁⲓ ⲛⲁⲛ ⲙ̀ⲫⲟⲟⲩ: ⲙ̀ⲫ̀ⲣⲏ ⲛ̀ⲧⲉ ϯⲙⲉⲑⲙⲏⲓ: ⲁϥⲉⲣⲟⲩⲱⲓⲛⲓ ⲉ̀ⲣⲟⲛ.
ولد لنا اليوم، يسوع مخلصنا، في بيت لحم، اليهودية.
كان فرح عظيم، أشرق لنا اليوم، شمس البر، وأضاء علينا.
+ Ⲅⲁⲗⲓⲗⲉⲟⲥ ⲟⲩⲱⲛϩϥ: ϧⲉⲛ ⲡ̀ⲕⲁϩⲓ ⲛ̀Ⲉⲫⲣⲁⲑⲁ: ⲁⲩϣⲟⲩϣⲟⲩ ⲛ̀ϧⲏⲧϥ: ⲛ̀ϫⲉ ⲛⲁ ⲡ̀ⲏⲓ ⲙ̀ⲡⲒⲥⲣⲁⲏ̀ⲗ.
+ Ⲇⲁⲩⲓⲇ ⲡⲓⲡ̀ⲣⲟⲫⲏⲧⲏⲥ: ⲛⲉⲙ Ⲥⲟⲗⲟⲙⲱⲛ ⲡⲉϥϣⲏⲣⲓ: ⲉⲩⲣⲁϣⲓ ⲙ̀ⲫⲟⲟⲩ: ⲉⲑⲃⲉ ⲡⲉϥϫⲓⲛⲙⲓⲥⲓ.
جليلي ظهر، في أرض افرتا، وأفتخر لأجله، بيت إسرائيل.
داود النبي، وسليمان ابنه، يفرحون اليوم، من أجل ميلاده.
Ⲉ̀ⲧⲁⲩⲛⲁⲩ ⲡⲉϥⲥⲓⲟⲩ: ⲥⲁⲡ̀ϣⲱⲓ ⲛ̀ⲛⲓⲙⲁⲛ̀ϣⲁⲓ: ϩⲁⲛⲙⲁⲅⲟⲥ ⲁⲩⲓ̀: ⲁⲩⲟⲩⲱϣⲧ ⲙ̀ⲙⲟϥ.
Ⲍⲱⲣⲉⲟⲥ ⲁϥⲟⲩⲱⲛϩϥ: ϧⲉⲛ ⲡ̀ ⲕⲁϩⲓ ⲛ̀Ⲛⲉϥⲑⲁⲗⲓⲙ: ⲛⲉⲙ ⲛⲓϭⲓⲏ̀ ⲧⲏⲣⲟⲩ: ⲛ̀ⲧⲉ Ⲍⲁⲃⲟⲗⲟⲛ.
لقد رأوا نجمه، ناحية المشرق، وأتي المجوس، وسجدوا له.
ناصري ظهر، في أرض نفتاليم، وجميع تخم، زبولون.
+ Ⲏ̀ⲥⲁⲏ̀ⲁⲥ ⲁ̀ⲙⲟⲩ: ⲁ̀ⲛⲁⲩ ⲉ̀ⲧⲁⲓⲠⲁⲣⲑⲉⲛⲟⲥ: ⲑⲏⲉ̀ⲧⲁⲕⲥⲁϫⲓ ⲉⲑⲃⲏⲧⲥ: ⲓⲥϫⲉⲛ ⲟⲩⲙⲏϣ ⲛ̀ⲭ̀ⲣⲟⲛⲟⲥ.
+ Ⲑⲁⲓ ⲁⲥⲙⲓⲥⲓ ⲙ̀ⲫⲟⲟⲩ: Ⲉⲙⲙⲁⲛⲟⲩⲏⲗ ⲡⲉⲛⲚⲟⲩϯ: Ⲫϯ ⲁϥⲉⲣⲣⲱⲙⲓ: ⲁϥⲉⲣⲟⲩⲛⲁⲓ ⲛⲉⲙⲁⲛ.
يا أشعياء تعال، أنظر هذه العذراء، التي تكلمت من أجلها، منذ زمان كبير.
هذه ولدت اليوم، عمانوئيل إلهنا، إلهاً تأنس، فأولانا رحمة.
Ⲓⲉⲣⲉⲙⲓⲁⲥ ⲧⲱⲛⲕ: ⲁ̀ⲙⲟⲩ ⲧⲉⲛⲙⲏϯ ⲙ̀ⲫⲟⲟⲩ: ⲭⲱ ⲙ̀ⲡⲓⲙ̀ⲕⲁϩⲛ̀ϩⲏⲧ: ⲣⲁϣⲓ ϧⲉⲛ ⲡⲁⲓⲉ̀ϩⲟⲟⲩ.
Ⲕⲁⲧⲁ ⲫ̀ⲣⲏϯ ⲉ̀ⲧⲁⲕⲛⲁⲩ: ⲛ̀ⲧⲉ Ⲅⲁⲗⲗⲁⲁⲇ: ⲧⲱⲛⲕ ⲁ̀ⲙⲟⲩ ⲛ̀ⲧⲉⲕⲛⲁⲩ: ⲡ̀ⲕⲁϩⲓ ⲙ̀Ⲃⲏⲑⲗⲉⲉⲙ.
قم يا أرميا، وتعال وسطنا اليوم، وأترك آلام القلب، وافرح في هذا اليوم.
كما رأيت، جليعاد، قم تعال أنطر، أرض بيت لحم.
+ Ⲗⲁⲟⲥ ⲛⲓⲃⲉⲛ ⲁⲩⲭⲁⲩ: ϧⲉⲛ ϩⲁⲛⲙⲩⲥⲧⲏⲣⲓⲟⲛ: ⲱ̀ Ⲓⲉⲍⲉⲕⲓⲏⲗ: ⲡⲓⲣⲉϥⲉⲣⲑⲉⲱ̀ⲣⲓⲛ.
+ Ⲙⲁⲥⲓⲁⲥ ⲁⲩⲙⲁⲥϥ: ϧⲉⲛ ϯⲡⲩⲗⲏ ⲉⲥϣⲟⲧⲉⲙ: ⲉ̅ⲑ̅ⲩ̅ ⲙ̀Ⲡⲁⲣⲑⲉⲛⲟⲥ: ⲛ̀ϩ̀ⲣⲏⲓ ϧⲉⲛ Ⲃⲏⲑⲗⲉⲉⲙ.
تُرك كل الشعوب، في الأسرار، يا حزقيال، الرائي.
قد ولد ماسياس، من باب مختوم، هو العذراء القديسة، في بيت لحم.
Ⲛⲓⲧⲱⲃϩ ⲙ̀ⲡⲟⲩⲟⲩⲱ̀ⲧⲉⲃ: ⲛⲓⲧⲉⲃⲥ ⲙ̀ⲡⲟⲩⲣⲏϯ: ⲙ̀ⲫ̀ⲣⲏϯ ⲛ̀ϯⲡⲩⲗⲏ: ⲉ̀ⲧⲁⲕⲛⲁⲩ ⲉ̀ⲣⲟⲥ.
Ⲝⲱ ⲯⲓⲧ ⲛ̀Ⲗⲟⲅⲟⲥ: ⲁⲩϭⲓⲏ̀ⲡⲓ ⲙ̀ⲙⲱⲟⲩ: ⲛ̀ϫⲉ ⲛⲓⲥⲁϧ ⲉ̅ⲑ̅ⲩ̅: ⲛ̀ⲧⲉ ϯⲉⲕⲕ̀ⲗⲏⲥⲓⲁ̀.
لم تنقل الطلبات، والخواتم مثلها، مثل الباب، الذي رأيته.
تسع وتسعون آيه، أحصاها، معلمو الكنيسة، الأطهار.
+ Ⲟ̅ ⲛ̀ⲉ̀ⲩⲇⲱⲙⲁⲥ: ⲱ̀ Ⲇⲁⲛⲓⲏⲗ ⲡⲓⲕⲟⲩϫⲓ: ⲉ̀ⲁⲕⲧⲁⲙⲉ ⲡⲒⲥⲣⲁⲏ̀ⲗ: ⲉⲑⲃⲉ ⲡⲟⲩϫⲓⲛⲥⲱϯ.
+ Ⲡⲁⲓⲭ̀ⲣⲟⲛⲟⲥ ⲁϥϫⲱⲕ: ϧⲉⲛ ⲡⲁⲓⲭ̀ⲣⲟⲛⲟⲥ ⲫⲁⲓ: ϩⲓⲧⲉⲛ ⲡⲁⲓϫⲓⲛⲙⲓⲥⲓ: ⲛ̀ⲧⲁⲓⲁ̀ⲗⲟⲩ ⲙ̀Ⲡⲁⲣⲑⲉⲛⲟⲥ.
سبعين أسبوعاً، يا دانيال الصغير، أخبرت إسرائيل، لأجل خلاصهم.
كمل الزمان، وهذا الزمان، من قبل هذا المولود، من العذراء الصبية.
Ⲣⲁϣⲓ ⲛⲁⲕ ⲙ̀ⲫⲟⲟⲩ: ⲱ̀ Ⲁ̀ⲇⲁⲙ ⲡⲉⲛⲓⲱⲧ: ⲛⲉⲙ Ⲁ̀ⲃⲉⲗ ⲡⲉⲕϣⲏⲣⲓ: ⲛⲉⲙ ⲛⲓϧⲉⲗⲗⲟⲓ ⲧⲏⲣⲟⲩ.
Ⲥⲱⲧⲡ ⲛⲉⲙⲱⲧⲉⲛ ⲧⲏⲣⲟⲩ: ⲙ̀ⲡⲓⲑ̀ⲙⲏⲓ Ⲁ̀ⲃⲣⲁⲁⲙ: ⲛⲉⲙ Ⲓⲥⲁⲁⲕ ⲡⲓϣⲟⲩϣⲱⲟ̀ⲩϣⲓ: ⲛⲉⲙ Ⲓⲁⲕⲱⲃ ⲡⲒⲥⲣⲁⲏ̀ⲗ.
افرح اليوم، يا آدم أبونا، وهابيل ابنك، وجميع الشيوخ.
المختارون معكم، إبراهيم البار، واسحق الذبيح، ويعقوب إسرائيل.
+ Ⲧⲉⲧⲣⲁ ⲡⲓⲕ̀ⲣⲓⲧⲏⲥ: ⲛⲉⲙ Ⲓⲟⲩⲇⲁⲥ ⲡⲓϫⲱⲣⲓ: ⲉ̀ⲧⲉ ⲡⲓⲛⲓϣϯ ⲛ̀ⲛⲟϩⲉⲙ: ϣⲱⲡⲓ ⲉ̀ⲃⲟⲗϩⲓⲧⲟⲧϥ.
+ Ⲩⲡⲡⲉ ⲡⲓϧⲉⲗⲗⲟ: Ⲥⲁⲙⲟⲩⲏⲗ ⲡⲓⲣⲉϥⲑⲱϩⲥ: ⲛⲓⲑ̀ⲙⲏⲓ ⲛⲉⲙ ⲛⲓⲡ̀ⲣⲟⲫⲏⲧⲏⲥ: ⲛⲉⲙ ⲛⲓⲕⲉⲟⲩⲣⲱⲟⲩ.
تيترا القاضي، ويهوذا القوي، الذي كان الخلاص العظيم، من جهته.
ها هو الشيخ، صموئيل ماسح، الابرار والانبياء، وأيضاً الملوك.
Ⲫϯ ⲛ̀ⲧⲉ ⲡ̀ⲱ̀ⲟⲩ: ⲉ̀ⲧⲁϥⲟⲩⲱⲛϩϥ ⲉ̀Ⲙⲱⲩ̀ⲥⲏⲥ: ⲛ̀ϩ̀ⲣⲏⲓ ϧⲉⲛ Ⲙⲁⲇⲓⲁⲛ: ϧⲉⲛ ⲟⲩϣⲁϩ ⲛ̀ⲭ̀ⲣⲱⲙ.
Ⲭⲱ ⲙ̀Ⲙⲁⲇⲓⲁⲛ: ⲁ̀ⲙⲟⲩ ϣⲁ Ⲃⲏⲑⲗⲉⲉⲙ: ϩⲓⲛⲁ ⲛ̀ⲧⲉⲕⲛⲁⲩ: ⲉ̀Ⲫϯ ⲛ̀ⲧⲉ ⲡ̀ⲱ̀ⲟⲩ.
ظهر إله المجد، لموسي، في مديان، من نار مضطرمة.
اترك مديان، وتعال إلي بيت لحم، لكي تنظر، إله المجد.
+ Ⲯⲩⲭⲟⲥ ⲙ̀ⲃⲁⲧⲟⲥ: ⲉϥⲙⲟϩ ϧⲉⲛ ⲡⲓⲭ̀ⲣⲱⲙ: ⲉ̀ⲧⲉ ⲑⲁⲓ ⲧⲉ Ⲙⲁⲣⲓⲁ: ⲛⲉⲙ ⲡⲉⲥⲙⲟⲛⲟⲅⲉⲛⲏⲥ.
+ Ⲱ̀ⲟⲩⲛⲓⲁ̀ϯ ⲛ̀ⲑⲟ: ⲡⲁⲣⲁ ⲛⲓϩⲓⲟ̀ⲙⲓ ⲧⲏⲣⲟⲩ: ⲱ̀ⲟⲩⲛⲓⲁⲧⲥ ⲛ̀ⲧⲉⲛⲉϫⲓ: ⲉ̀ⲧⲁⲥϥⲁⲓ ⲙ̀Ⲫϯ.
العليقة النفسانية، المملؤة ناراً، التي هي مريم، ووحيدها.
طوباك أنت، أكثر من جميع النساء، وطوبي لبطنك، الذي حمل الله.
Ϣⲱϣ ⲛⲓⲃⲉⲛ ⲉⲧϩⲱⲟⲩ: ⲟⲩⲟϩ ⲉⲑⲙⲉϩ ⲛ̀ϣⲱⲛⲓ: ⲁ̀ⲣⲓⲱ̀ⲗⲓ ⲙ̀ⲙⲱⲟⲩ: ⲉ̀ⲃⲟⲗ ϩⲁ ⲡⲉⲛⲅⲉⲛⲟⲥ.
Ϥ̀ⲟⲩⲱⲛϩ ⲉ̀ⲃⲟⲗ ⲛ̀ϫⲉ Ⲫϯ: ϧⲉⲛ ϩⲁⲛⲙⲏϣ ⲛ̀ⲉⲑⲛⲟⲥ: ⲁϥⲟⲩⲱⲛϩ ⲫⲁⲓ ⲛ̀ϧⲏϯ: ϧⲉⲛ ⲟⲩⲡⲁⲣⲣⲏⲥⲓⲁ̀.
كل وصمة رديئة، مملوءة مرضاً، ارفعها، عن جنسنا.
يظهر الله، لأمم كثيرة، وظهر منك، بإعلان.
+ Ϧⲉⲛ ⲟⲩⲑⲟ ⲛ̀ⲣⲏϯ: ⲁϥⲥⲁϫⲓ ⲛⲉⲙ ⲛⲓⲡ̀ⲣⲟⲫⲏⲧⲏⲥ: ϧⲉⲛ ⲡⲁⲓⲥⲏⲟⲩ ⲁϥⲥⲁϫⲓ: ⲛⲉⲙⲁⲛ ϧⲉⲛ Ⲡⲉϥϣⲏⲣⲓ.
+ Ϩⲱⲥ Ⲑⲉⲟ̀ⲧⲟⲕⲟⲥ: ⲛ̀ⲑⲟ ϩⲱⲓ Ⲙⲁⲣⲓⲁ: ⲉ̅ⲑ̅ⲩ̅ ⲙ̀Ⲡⲁⲣⲑⲉⲛⲟⲥ: ϯⲁ̀ⲅⲓⲁ Ⲙⲁⲣⲓⲁ.
وبأنواع، لم الأنبياء، وفي هذا الزمان، كلمنا بإبنه.
يا والدة الإله، أنت يا مريم، العذراء الطاهرة، القديسة مريم.
Ϫⲉ ⲁϥϫⲱⲕ ⲙ̀ⲫⲟⲟⲩ: ⲉ̀ⲡ̀ⲥⲁϫⲓ ⲛ̀Ⲇⲁⲩⲓⲇ: ϫⲉ ⲁϥⲛⲟϩⲉⲙ ⲛ̀ⲟⲩϩⲏⲕⲓ: ϧⲉⲛ ⲧ̀ϫⲓϫ ⲛ̀ⲛⲉϥϫⲁϫⲓ.
Ϭⲓⲥ̀ⲙⲏ ⲛⲁⲕ ⲙ̀ⲫⲟⲟⲩ: ⲱ̀ Ⲁ̀ⲇⲁⲙ ⲡⲉⲛⲓⲱⲧ: ϫⲉ ⲁϥϭⲓⲥⲓ ⲛⲁⲕ: ⲡ̀ⲥⲱϯ ⲙ̀ⲡⲉⲕⲅⲉⲛⲟⲥ.
لأنه كمل اليوم، قول داود، لأنه خّلص المسكين، من يد عدوه.
خذ لك صوتاً اليوم، يا أبانا آدم، لأنك ارتفعت، بخلاص جنسك.
+ Ϯϯϩⲟ ⲉ̀ⲣⲟ: ⲱ̀ ⲧⲁⲟ̅ⲥ̅ ⲙ̀Ⲡⲁⲣⲑⲉⲛⲟⲥ: ⲙⲁϯϩⲟ ⲙ̀ⲡⲉϢⲏⲣⲓ: ⲉⲑⲣⲉϥⲭⲱ ⲛⲁⲛ ⲉ̀ⲃⲟⲗ.
أسألك، يا سيدتي العذراء، اسألي إبنك، ليغفر لنا خطايانا.