Psali Adam - Monday :: Ⲁⲣⲓⲯⲁⲗⲓⲛ ⲕⲁⲗⲱⲥ :: إبصاليه آدام - يوم الاثنين
Ⲁⲣⲓⲯⲁⲗⲓⲛ ⲕⲁⲗⲱⲥ: ϧⲉⲛ ϩⲁⲛⲇⲟⲝⲟⲗⲟⲅⲓⲁ: ⲉⲑⲃⲉ ⲡⲓϫ̀ⲫⲟ ⲙ̀Ⲡⲭ̅ⲥ̅: ⲫⲁ ϯⲉ̀ⲝⲟⲩⲥⲓⲁ.
Ⲃⲟⲏ̀ⲑⲓⲛ ⲉ̀ⲧⲁⲙⲉⲧϫⲱⲃ: ⲱ̀ ⲡⲓⲖⲟⲅⲟⲥ ⲛ̀ⲧⲉ Ⲫϯ: ⲙⲟⲓ ⲛⲁⲛ ⲛ̀ⲟⲩⲭ̀ⲃⲟⲃ: ⲉⲑⲃⲉ ϯⲙⲁⲥⲛⲟⲩϯ.
رتلوا حسناً بتماجيد من أجل ميلاد المسيح ذى السلطان.
أعن ضعفى يا كلمه الله واعطنا برداً من آجل والدة الإله.
+ Ⲅⲉ ⲅⲁⲣ ⲛ̀ⲑⲟⲕ ⲡⲉ ⲡⲉⲛⲚⲟⲩϯ: ⲁⲕⲓ̀ ⲉ̀ⲡⲓⲕⲟⲥⲙⲟⲥ: ϩⲓⲛⲁ ⲛ̀ⲧⲉⲕⲥⲱϯ: ⲛ̀ⲛⲓⲭ̀ⲣⲓⲥⲧⲓⲁⲛⲟⲥ.
+ Ⲇⲁⲩⲓⲇ ⲡⲓϩⲩⲙⲛⲟⲇⲟⲥ: ⲣⲁϣⲓ ϧⲉⲛ ⲟⲩⲑⲉⲗⲏⲗ: ϧⲉⲛ ⲡ̀ϣⲁⲓ ⲛ̀Ⲕⲩⲣⲓⲟⲥ: ⲡⲓϨⲓⲏⲃ Ⲉⲙⲙⲁⲛⲟⲩⲏⲗ.
لأنك أنت إلهنا أتيت إلى العالم لكى تخلص المسيحيين.
داود المرتل يفرح بتهليل في عيد الرب الحمل عمانوئيل.
Ⲉⲑⲃⲉ ⲡⲓϫⲓⲛⲙⲓⲥⲓ: ⲛ̀Ⲓⲏ̅ⲥ̅ Ⲡⲭ̅ⲥ̅: ⲁϥϣⲱⲡⲓ ⲛⲁⲛ ⲛ̀ⲣⲁϣⲓ: ⲛⲉⲙ ⲛⲓⲇⲓⲕⲉⲟⲥ.
Ϣⲁϣϥ (ⲍ̅) ⲛ̀ⲁ̀ⲅⲅⲉⲗⲟⲥ: ⲛⲉⲙ ⲛⲓⲧⲁⲅⲙⲁ ⲧⲏⲣⲟⲩ: ⲛⲓϫⲟⲙ ⲛⲉⲙ ⲛⲓⲑ̀ⲣⲟⲛⲟⲥ: ⲉⲩϩⲱⲥ ⲉ̀ⲡ̀Ⲟⲩⲣⲟ ⲛ̀ⲧⲉ ⲡ̀ⲱ̀ⲟⲩ.
من أجل ميلاد يسوع المسيح صار لنا الفرح مع الصديقين.
السبع الملائكة وجميع الطغمات والقوات والكراسى يسبحون ملك المجد.
+ Ⲏ̀ⲁⲏ̀ⲁⲥ ⲁϥⲥⲁϫⲓ: ϧⲉⲛ ⲟⲩⲥ̀ⲙⲏ ⲛ̀ⲑⲉⲗⲏⲗ: ⲓⲥ ⲁ̀ⲗⲟⲩ ⲛⲁⲛ ⲁⲩⲙⲓⲥⲓ: ⲡⲉ Ⲉⲙⲙⲁⲛⲟⲩⲏⲗ.
+ Ⲑⲁⲓ ⲧⲉ Ⲓⲉⲣⲟⲩⲥⲁⲗⲏⲙ: Ⲙⲁⲣⲓⲁ ϯⲠⲁⲣⲑⲉⲛⲟⲥ: ⲧ̀ϣⲉⲣⲓ ⲛ̀Ⲓⲱⲁⲕⲓⲙ: ⲑ̀ⲙⲁⲩ ⲛ̀Ⲓⲏ̅ⲥ̅ Ⲡⲭ̅ⲥ̅.
نطق أشعياء بصوت التهليل وُلد لنا ولداً هو عمانوئيل.
هذه هى أورشليم مريم العذراء ابنة يواقيم ام يسوع المسيح.
Ⲓⲉⲍⲉⲕⲓⲏⲗ ⲇⲉ ⲟⲛ: ⲛⲉⲙ Ⲓⲉⲣⲉⲙⲓⲁⲥ: ⲛ̀ⲑⲱⲟ̀ⲩ ⲁⲩⲧⲁⲙⲟⲛ: ⲉⲑⲃⲉ ⲡⲓϫ̀ⲫⲟ ⲙ̀Ⲙⲁⲥⲓⲁⲥ.
Ⲕⲩⲣⲓⲟⲥ ⲫⲏⲉ̀ⲧϩⲉⲙⲥⲓ: ϩⲓϫⲉⲛ ⲛⲓⲬⲉⲣⲟⲩⲃⲓⲙ: ⲁϥϣⲁⲓ ⲉ̀ⲃⲟⲗϧⲉⲛ ⲑ̀ⲛⲉϫⲓ: ⲧ̀ϣⲉⲣⲓ ⲛ̀Ⲓⲱⲁⲕⲓⲙ.
حزقيال أيضاً وأرميا قد اخبرنا بميلاد الماسيا.
الرب الجالس على الشاروبيم قد أشرق من بطن ابنه يواقيم.
+ Ⲗⲟⲓⲡⲟⲛ ⲫⲏⲉ̀ⲧⲟⲩϩⲱⲥ: ⲉ̀ⲣⲟϥ ⲛ̀ϫⲉ ⲛⲓⲤⲉⲣⲁⲫⲓⲙ: ⲡⲓⲙⲁⲛⲉ̀ⲥⲱⲟⲩ ⲁⲩϩⲱⲥ ⲉ̀ⲣⲟϥ: ϧⲉⲛ Ⲃⲏⲑⲗⲉⲉⲙ.
+ Ⲙⲁⲣⲉϥⲣⲁϣⲓ ⲙ̀ⲫⲟⲟ̀ⲩ: ⲛ̀ϫⲉ ⲡⲉⲛⲓⲱⲧ Ⲁⲃⲣⲁⲁⲙ: ⲛⲉⲙ ⲛⲉϥϣⲏⲣⲓ ⲧⲏⲣⲟⲩ: ⲛⲉⲙ ⲡ̀ⲅⲉⲛⲟⲥ ⲛ̀Ⲁ̀ⲇⲁⲙ.
وأيضا الذى تسبحه الساروفيم سبحه الرعاة في بيت لحم.
فليفرح اليوم أبونا ابراهيم وجميع بنيه وجبس آدم.
Ⲛⲓⲥ̀ⲧⲣⲁⲧⲓⲁ ⲧⲏⲣⲟⲩ: ⲛ̀ⲁ̀ⲅⲅⲉⲗⲓⲕⲟⲛ: ϧⲉⲛ ⲧⲉⲛⲙⲏϯ ⲙ̀ⲫⲟⲟ̀ⲩ: ⲉⲑⲃⲉ ⲡ̀Ⲟⲩⲣⲟ ⲛ̀ⲛⲓⲉ̀ⲱ̀ⲛ.
Ⲝⲙⲁⲣⲱⲟⲩⲧ ⲁ̀ⲗⲏⲑⲱⲥ: ⲱ̀ Ⲥⲱⲧⲏⲣ ⲏ̀ⲙⲱⲛ: ⲛⲉⲙ Ⲡⲉⲕⲓⲱⲧ ⲛ̀ⲁ̀ⲅⲁⲑⲟⲥ: ⲕⲉ Ⲡ̀ⲛⲉⲩⲙⲁⲧⲓ ⲁ̀ⲅⲓⲟⲛ.
جميع عساكر الملائكة في وسطنا اليوم من أجل ملك الدهور.
تباركت بالحقيقة يا مخلصنا مع أبيك الصالح والروح القدس.
+ Ⲟⲩⲱ̀ⲟⲩ ϧⲉⲛ ⲛⲏⲉ̀ⲧϭⲟⲥⲓ: ⲛⲁⲕ ⲱ̀ ⲡⲓⲙⲁⲓⲣⲱⲙⲓ: ⲛⲉⲙ ⲟⲩϩⲓⲣⲏⲛⲏ ϣⲱⲡⲓ: ϩⲓϫⲉⲛ ⲡⲓⲕⲁϩⲓ.
+ Ⲡⲁⲗⲓⲛ ⲛⲉⲙ ⲟⲩϯⲙⲁϯ: ϧⲉⲛ ⲛⲓⲣⲱⲙⲓ ⲉⲩⲥⲟⲡ: ⲧⲉⲛϩⲱⲥ ⲛⲁⲕ ϩⲱⲥ ⲛⲟⲩϯ: Ⲡⲭ̅ⲥ̅ ϩⲁⲛⲑ̀ⲃⲁ ⲛ̀ⲕⲱⲃ.
المجد في العلا لك يا محب البشر والسلامة صارت على الأرض.
وأيضاً المسرة في الناس معاً نسبحك كإله أيها المسيح أضعافاً وربوات.
Ⲣⲱⲓⲥ ⲉ̀ⲣⲟⲛ ⲱ̀ Ⲡⲭ̅ⲥ̅: ⲉ̀ⲃⲟⲗ ϩⲁ ⲡⲉⲧϩⲱⲟ̀ⲩ ⲛⲓⲃⲉⲛ: ⲛⲉⲙ ⲛⲓⲡⲓⲣⲁⲥⲙⲟⲥ: ⲛⲉⲙ ⲉ̀ⲃⲟⲗ ϩⲁ ⲛⲟⲃⲓ ⲛⲓⲃⲉⲛ.
Ⲥ̀ⲙⲟⲩ ⲉ̀Ⲡ̀ⲟ̅ⲥ̅ ⲡⲉⲛⲚⲟⲩϯ: ϧⲉⲛ ⲟⲩϩⲱⲥ ⲙ̀ⲃⲉⲣⲓ: ϫⲉ ⲁϥⲓ̀ⲣⲓ ⲛ̀ⲟ̀ⲩⲥⲱϯ: ⲉⲑⲃⲉ ⲡⲉϥϫⲓⲛⲙⲓⲥⲓ.
أحرسنا أيها المسيح من كل الشرور ومن التجارب ومن كل الخطايا.
سبحوا الرب إلهنا تسبيحاً جديداً لأنه صنع خلاصاً بميلاده.
+ Ⲧⲉⲛϩⲱⲥ ⲧⲉⲛⲥ̀ⲙⲟⲩ ⲉ̀ⲣⲟϥ: ⲛⲉⲙ ⲛⲓⲁ̀ⲅⲅⲉⲗⲟⲥ: ⲟⲩⲟϩ ⲧⲉⲛⲟ̀ⲩⲱ̀ϣⲧ ⲙ̀ⲙⲟϥ: ⲛⲉⲙ ⲛⲓⲟ̀ⲩⲣⲱⲟ̀ⲩ ⲛ̀ϩⲁⲛⲙⲁⲅⲟⲥ.
+ Ⲩⲓⲟⲥ Ⲑⲉⲟⲥ ⲙⲟⲓ ⲛⲁⲛ: ⲛ̀ⲧⲉⲛⲛⲁⲩ ⲉ̀Ⲓⲉⲣⲟⲩⲥⲁⲗⲏⲙ: ⲛⲉⲙ ϯⲃⲁⲕⲓ Ⲥⲓⲱⲛ: ⲛⲉⲙ ϯⲡⲟⲗⲓⲥ Ⲃⲏⲑⲗⲉⲉⲙ.
نسبحه ونباركه مع الملائكة ونسجد له مع ملوك المجوس.
يا ابن الله هب لنا أن ننظر أورشليم ومدينه صهيون ومدينة بيت لحم.
Ⲫϯ ϭⲓⲥⲓ ⲙ̀ⲡ̀ⲧⲁⲡ: ⲛ̀ⲛⲓⲭ̀ⲣⲓⲥⲧⲓⲁⲛⲟⲥ: ⲉⲑⲃⲉ ⲧⲉⲛⲟ̅ⲥ̅ ⲛ̀ⲛⲏⲃ: Ⲙⲁⲣⲓⲁ ϯⲠⲁⲣⲑⲉⲛⲟⲥ.
Ⲭⲉⲣⲉ ϯⲑⲉⲟⲧⲟⲕⲟⲥ: ⲛⲉⲙ Ⲃⲏⲑⲗⲉⲉⲙ Ⲥⲓⲱⲛ: ⲭⲉⲣⲉ ϯⲡⲟⲗⲓⲥ ⲙ̀Ⲡⲟ̅ⲥ̅: ⲛⲉⲙ ⲡⲓⲧⲱⲟⲩ ⲛ̀ⲕ̀ⲣ̀ⲁⲛⲓⲟⲛ.
أرفع يا الله شأن المسيحيين من أجل سيدتنا مريم العذراء.
السلام لوالدة الإله مع بيت لحم صهيون السلام لمدينة الرب مع جبل الجمجمة.
+ Ⲯⲩⲭⲏ ⲛⲓⲃⲉⲛ ⲙⲟⲓ ⲛⲱⲟⲩ: ⲛ̀ⲟⲩⲭ̀ⲃⲟⲃ ⲛⲉⲙ ⲟⲩⲙⲉⲣⲟⲥ: ϩⲓⲧⲉⲛ ⲛⲓϯϩⲟ: ⲙ̀Ⲙⲁⲣⲓⲁ ϯⲠⲁⲣⲑⲉⲛⲟⲥ.
+ Ⲱ̀ ⲡⲓⲣⲉϥⲱ̀ⲟⲩⲛ̀ϩⲏⲧ: ⲡⲉⲕⲃⲱⲕ Ⲛⲓⲕⲟⲇⲏⲙⲟⲥ: ⲭⲱ ⲛⲁϥ ⲱ̀ ⲡⲓⲛⲁⲏ̀ⲧ: ⲛⲉⲙ ⲡ̀ⲥⲉⲡⲓ ⲙ̀ⲡⲉⲕⲗⲁⲟⲥ.
كل الأنفس أعطاها برداً ونصيباً بطلبات مريم العذراء.
أيها الطويل الأناة عبدك نيقوديموس أغفر له أيها الرحوم مع سائر شعبك.