Communion Hymn (Anok nem) :: Ⲁ̀ⲛⲟⲕ ⲛⲓⲙ
Who am I, who is weaker than all who are on the earth, to speak of your honor, O Mary, the daughter of Joachim.
Ⲁ̀ⲛⲟⲕ ⲛⲓⲙ ϧⲁ ⲡⲓⲉ̀ⲃⲓⲏⲛ: ⲡⲁⲣⲁ ⲟⲩⲟⲛ ⲛⲓⲃⲉⲛ ⲉⲧϩⲓϫⲉⲛ ⲡⲓⲕⲁϩⲓ: ⲉⲑⲣⲓⲥⲁϫⲓ ⲙ̀ⲡⲉⲧⲁⲓⲟ: Ⲙⲁⲣⲓⲁ ⲧ̀ϣⲉⲣⲓ ⲛ̀Ⲓⲱⲁⲕⲓⲙ.
من انا الضعيف أكثر من كل من علي الأرض لكي أنطق بكرامتك يا مريم ابنة يواقيم.
The Word, the Creator, came and took flesh from you. You gave birth to Him and remained a virgin, O Mary, the daughter of Joachim.
Ⲁ̀ Ⲡⲓⲗⲟⲅⲟⲥ Ⲡⲓⲇⲏⲙⲓⲟⲩⲣⲅⲟⲥ: ⲓ̀ ⲁϥϭⲓⲥⲁⲣⲝ ⲉ̀ⲃⲟⲗ ⲛ̀ϧⲏϯ: ⲁ̀ⲣⲉⲙⲓⲥⲓ ⲙ̀ⲙⲟϥ ⲉ̀ⲣⲉⲟⲓ ⲙ̀ⲡⲁⲣⲑⲉⲛⲟⲥ: Ⲙⲁⲣⲓⲁ ⲧ̀ϣⲉⲣⲓ ⲛ̀Ⲓⲱⲁⲕⲓⲙ.
الكلمة الخالق أتي وتجسد منك، ولدتيه وأنت باقية عذراء يا مريم ابنة يواقيم.
Barashia called you the true east from which Christ shone to us, O Mary, the daughter of Joachim.
Ⲃⲁⲣⲁⲭⲓⲁⲥ ⲁϥⲙⲟⲩϯ ⲉ̀ⲣⲟ: ϫⲉ ϯⲁ̀ⲛⲁⲧⲟⲗⲏ ⲙ̀ⲙⲏⲓ: ⲉ̀ⲧⲁ Ⲡⲓⲭ̀ⲣⲓⲥⲧⲟⲥ ϣⲁⲓ ⲛⲁⲛ ⲛ̀ϧⲏϯ: Ⲙⲁⲣⲓⲁ ⲧ̀ϣⲉⲣⲓ ⲛ̀Ⲓⲱⲁⲕⲓⲙ.
براشيا دعاك الشرق الحقيقي الذي أشرق لنا المسيح منك يا مريم ابنة يواقيم.
A rod blossomed without planting or watering, became a symbol of the virgin, O Mary, the daughter of Joachim.
Ⲃⲁⲕⲧⲏⲣⲓⲁ ⲁⲥⲫⲓⲣⲓ ⲉ̀ⲃⲟⲗ: ⲭⲱⲣⲓⲥ ϭⲟ ⲛⲉⲙ ⲧ̀ⲥⲟ: ⲁⲥϣⲱⲡⲓ ⲛ̀ⲧⲩⲡⲟⲥ ⲛ̀Ϯⲡⲁⲣⲑⲉⲛⲟⲥ: Ⲙⲁⲣⲓⲁ ⲧ̀ϣⲉⲣⲓ ⲛ̀Ⲓⲱⲁⲕⲓⲙ.
قضيب أزهر بغير غرس ولا سقي، صار مثالا للعذراء يا مريم ابنة يواقيم.
You were exalted more than all the human race and the heavenly hosts, O Mary, the daughter of Joachim.
Ⲅⲉⲛⲟⲥ ⲧⲏⲣϥ ⲛ̀ⲧⲉ ϯⲙⲉⲧⲣⲱⲙⲓ: ⲛⲉⲙ ⲛⲓⲧⲁⲅⲙⲁ ⲛ̀ⲧⲉ ⲡ̀ϭⲓⲥⲓ: ⲁ̀ⲣⲉϭⲓⲥⲓ ⲛ̀ⲑⲟ ⲉ̀ϩⲟⲧⲉ ⲣⲱⲟⲩ ⲧⲏⲣⲟⲩ: Ⲙⲁⲣⲓⲁ ⲧ̀ϣⲉⲣⲓ ⲛ̀Ⲓⲱⲁⲕⲓⲙ.
كل جنس البشرية وطغمات العلاء، ارتفعت انت اكثر منهم جميعا يا مريم ابنة يواقيم.
For the Lord Who is without beginning chose you as a throne for Him O wondrous bride, O Mary, the daughter of Joachim.
Ⲅⲉ ⲅⲁⲣ Ⲡ̀ϭⲟⲓⲥ Ⲡⲓⲁ̀ⲛⲁⲣⲭⲟⲥ: ⲁϥⲥⲱⲧⲡ ⲙ̀ⲙⲟ ⲛ̀ⲟⲩⲑ̀ⲣⲟⲛⲟⲥ ⲛⲁϥ: ⲱ̀ ϯϣⲉⲗⲉⲧ ⲙ̀ⲡⲁⲣⲁⲇⲟⲝⲟⲛ: Ⲙⲁⲣⲓⲁ ⲧ̀ϣⲉⲣⲓ ⲛ̀Ⲓⲱⲁⲕⲓⲙ.
لأن الرب الذي بلا بداية اختارك له كرسيا ايتها العروس العجيبة يا مريم ابنة يواقيم.
David said that Lord God chose Zion for His dwelling, for Zion is the virgin, O Mary, the daughter of Joachim.
Ⲇⲁⲩⲓⲇ ⲡⲉϫⲁϥ ϫⲉ ⲁ̀ Ⲡ̀ϭⲟⲓⲥ Ⲫ̀ⲛⲟⲩϯ: ⲥⲱⲧⲡ ⲛ̀Ⲥⲓⲱⲛ ⲛⲁϥ ⲙ̀ⲙⲁⲛϣⲱⲡⲓ: Ⲥⲓⲱⲛ ⲅⲁⲣ ⲧⲉ Ϯⲡⲁⲣⲑⲉⲛⲟⲥ: Ⲙⲁⲣⲓⲁ ⲧ̀ϣⲉⲣⲓ ⲛ̀Ⲓⲱⲁⲕⲓⲙ.
داود قال ان الرب الاله اختار صهيون له مسكنا، لأن صهيون هي العذراء يا مريم ابنة يواقيم.
Daniel called you the mindful mountain. You are the steadfast mountain, O Mary, the daughter of Joachim.
Ⲇⲁⲛⲓⲏⲗ ⲁϥⲙⲟⲩϯ ⲉ̀ⲣⲟ: ϫⲉ ⲡⲓⲧⲱⲟⲩ ⲛ̀ⲛⲟⲏ̀ⲣⲟⲛ: ⲛ̀ⲑⲟ ⲡⲉ ⲡⲓⲧⲱⲟⲩ ⲉⲧⲧⲁϫⲣⲏⲟⲩⲧ: Ⲙⲁⲣⲓⲁ ⲧ̀ϣⲉⲣⲓ ⲛ̀Ⲓⲱⲁⲕⲓⲙ.
دانيال دعاك الجبل العقلي، أنت هي الجبل الثابت يا مريم ابنة يواقيم.
Adam´s first status and his dwelling place, Christ restored them to him for your sake, O Mary, the daughter of Joachim.
Ⲉ̀ⲡⲓⲁⲝⲓⲱⲙⲁ ⲛ̀ⲧⲉ Ⲁ̀ⲇⲁⲙ: ⲛⲉⲙ ⲡⲉϥⲙⲁⲛ̀ϣⲱⲡⲓ ⲛ̀ⲁⲣⲭⲉⲟⲥ: ⲁ̀ Ⲡⲓⲭ̀ⲣⲓⲥⲧⲟⲥ ⲧⲁⲥⲑⲱⲟⲩ ⲛⲁϥ ⲉⲑⲃⲏϯ: Ⲙⲁⲣⲓⲁ ⲧ̀ϣⲉⲣⲓ ⲛ̀Ⲓⲱⲁⲕⲓⲙ.
رتبة آدم ومسكنه الأول، المسيح ردهما له من أجلك ، يا مريم ابنة يواقيم.
Who of the wise, prudent, and believers did not speak of your blessedness, O Mary, the daughter of Joachim.
Ⲉ̀ⲣⲉ ⲛⲓⲙ ϧⲉⲛ ⲛⲓⲥⲟⲫⲟⲥ: ⲛⲓⲕⲁⲧϩⲏⲧ ⲛⲉⲙ ⲛⲓⲡⲓⲥⲧⲟⲥ: ⲉ̀ⲧⲉ ⲙ̀ⲡⲟⲩϫⲱ ⲛ̀ⲛⲉ ⲙⲁⲕⲁⲣⲓⲥⲙⲟⲥ: Ⲙⲁⲣⲓⲁ ⲧ̀ϣⲉⲣⲓ ⲛ̀Ⲓⲱⲁⲕⲓⲙ.
من في الحكماء الفهماء والمؤمنين لم يقل بطوباويتك يا مريم ابنة يواقيم.