Psali Watos - Wednesday :: Ⲁⲣⲓⲯⲁⲗⲓⲛ ⲱ̀ ⲛⲓⲡⲓⲥⲧⲟⲥ :: إبصاليه واطس - يوم الاربعاء
Ⲁⲣⲓⲯⲁⲗⲓⲛ ⲱ̀ ⲛⲓⲡⲓⲥⲧⲟⲥ: ϧⲉⲛ ϩⲁⲛϩⲱⲇⲏ ⲛⲉⲙ ϩⲁⲛⲯ̀ⲁⲗⲓⲁ: ϫⲉ ⲁⲩⲙⲓⲥⲓ ⲙ̀Ⲡⲭ̅ⲥ̅ Ⲓⲏ̅ⲥ̅: ϧⲉⲛ Ⲃⲏⲑⲗⲉⲉⲙ ⲛ̀ⲧⲉ ϯⲒⲟⲩⲇⲉⲁ̀.
Ⲃⲟⲛ ⲟ̀ⲩⲣⲁϣⲓ ⲛⲉⲙ ⲟ̀ⲩⲑⲉⲗⲏⲗ: ϧⲉⲛ ⲧ̀ⲫⲉ ⲛⲉⲙ ϩⲓϫⲉⲛ ⲡⲓⲕⲁϩⲓ: ⲉⲑⲃⲉ ⲡⲓϫ̀ⲫⲟ ⲛ̀Ⲉⲙⲙⲁⲛⲟⲩⲏⲗ: Ⲓⲏ̅ⲥ̅ Ⲡⲭ̅ⲥ̅ ⲫⲁ ⲡⲓⲁ̀ⲙⲁϩⲓ.
رتلوا أيها المؤمنون بتسبيح وترتيل لأن المسيح يسوع ولد في بيت لحم يهوذا.
كان فرح وتهليل في السماء وعلى الأرض من أجل ميلاد عمانوئيل يسوع المسيح ذى العزة.
+ Ⲅⲉⲛⲛⲉⲑⲓⲥ ⲉ̀ⲃⲟⲗϧⲉⲛ Ⲙⲁⲣⲓⲁ: ⲕⲁⲧⲁ ⲡ̀ⲥⲁϫⲓ ⲛ̀ⲛⲓⲡ̀ⲣⲟⲫⲏⲧⲏⲥ: ⲁϥⲉ̀ⲣϩ̀ⲙⲟⲧ ⲛⲁⲛ ⲛ̀ϯⲉ̀ⲗⲉⲩⲑⲉⲣⲓⲁ: ϫⲉ ⲛ̀ⲑⲟϥ ⲡⲉ ⲡⲓⲆⲉⲥⲡⲟⲧⲏⲥ.
+ Ⲇⲁⲩⲓⲇ ⲡⲓϩⲩⲙⲛⲟⲇⲟⲥ ⲁϥⲥⲁϫⲓ: ⲉⲑⲃⲉ Ⲡⲭ̅ⲥ̅ ⲡ̀Ⲟⲩⲣⲟ ⲛ̀ⲧⲉ ⲡ̀ⲱ̀ⲟⲩ: ⲡⲉϫⲁϥ ϫⲉ ⲛ̀ⲑⲟⲕ ⲡⲉ ⲠⲁϢⲏⲣⲓ: ⲁ̀ⲛⲟⲕ ⲁⲓϫ̀ⲫⲟⲕ ⲙ̀ⲫⲟⲟ̀ⲩ.
وُلـد من مريم كقول الأنبياء وأنعم علينا بالحرية لأنه هو السيد.
شهد داود المرتل عن المسيح ملك المجد فقال أنك أنت هو ابني وأنا اليوم ولدتك.
Ⲉⲙⲙⲁⲛⲟⲩⲏⲗ ⲁⲩⲙⲁⲥϥ ⲙ̀ⲫⲟⲟ̀ⲩ: ⲉ̀ⲃⲟⲗϧⲉⲛ ⲑⲏⲉ̅ⲑ̅ⲩ̅ Ⲙⲁⲣⲓⲁ: ⲫⲱϥ ⲡⲉ ⲡⲓⲱ̀ⲟ̀ⲩ ⲛⲉⲙ ⲡⲓⲧⲁⲓⲟ: ⲛⲉⲙ ϯⲉ̀ⲩⲭⲁⲣⲓⲥⲧⲓⲁ.
Ϣⲁϣϥ (ⲍ̅) ⲛ̀ⲁ̀ⲣⲭⲏⲁ̀ⲅⲅⲉⲗⲟⲥ: ⲉⲩϩⲱⲥ ⲉ̀ⲡ̀Ⲟⲩⲣⲟ Ⲡⲭ̅ⲥ̅: ϫⲉ ⲁ̀ⲅⲓⲟⲥ ⲁ̀ⲅⲓⲟⲥ ⲁ̀ⲅⲓⲟⲥ: ⲫⲏⲉ̀ⲧⲁⲩⲙⲁⲥϥ ⲛ̀ϫⲉ ϯⲠⲁⲣⲑⲉⲛⲟⲥ.
وُلـد عمانوئيل اليوم من القديسة مريم له المجد والكرامة والنعم.
سبعة رؤساء الملائكة يسبحون الملك المسيح قائلين قدوس قدوس الذى ولدته العذراء.
+ Ⲏ̀ⲥⲁⲏ̀ⲁⲥ ⲁϥϫⲟⲥ ϧⲉⲛ ⲟ̀ⲩⲑⲉⲗⲏⲗ: ⲉⲑⲃⲉ ⲡⲓϫ̀ⲫⲟ ⲛ̀Ⲓⲏ̅ⲥ̅ Ⲡⲭ̅ⲥ̅: ⲡⲓϨⲓⲏⲃ Ⲉⲙⲙⲁⲛⲟⲩⲏⲗ: ⲉ̀ⲃⲟⲗϧⲉⲛ Ⲙⲁⲣⲓⲁ ϯⲠⲁⲣⲑⲉⲛⲟⲥ.
+ Ⲑⲁⲓ ⲧⲉ ⲧ̀ⲡⲟⲗⲓⲥ Ⲓⲉⲣⲟⲩⲥⲁⲗⲏⲙ: ⲛⲉⲙ ϯⲃⲁⲕⲓ ⲉ̅ⲑ̅ⲩ̅ Ⲥⲓⲱⲛ: ⲫⲏⲉ̀ⲧϩⲉⲙⲥⲓ ϩⲓϫⲉⲛ ⲛⲓⲬⲉⲣⲟⲩⲃⲓⲙ: ⲁⲥⲙⲓⲥⲓ ⲙ̀ⲙⲟϥ ϣⲁ ⲛ̀ⲧⲉϥⲥⲱϯ ⲙ̀ⲙⲟⲛ.
يقول أشعياء بتهليل عن ميلاد يسوع المسيح الحمل عمانوئيل من مريم النقية.
هذه هى مدينة أورشليم والمدينة المقدسة صهيون الجالس على الشاروبيم ولدته حتى خلصنا.
Ⲓⲉⲍⲉⲕⲓⲏⲗ ⲁ̀ⲙⲟⲩ ⲛ̀ⲧⲉⲛⲙⲏϯ: ⲛ̀ⲧⲉⲕⲧⲁⲙⲟⲛ ϧⲉⲛ ⲟ̀ⲩⲡⲁⲣⲣⲏⲥⲓⲁ: ⲉⲑⲃⲉ ⲡ̀ϫⲓⲛⲙⲓⲥⲓ ⲙ̀ⲡⲉⲛⲤⲱⲧⲏⲣ: Ⲓⲏ̅ⲥ̅ Ⲡⲭ̅ⲥ̅ ⲫⲁ ϯⲉ̀ⲝⲟⲩⲥⲓⲁ.
Ⲕⲉ ⲅⲁⲣ ϧⲉⲛ ⲡⲓⲡ̅ⲛ̅ⲁ̅ ⲁⲕϫⲟⲥ: ϫⲉ ⲁⲓⲛⲁⲩ ⲉ̀ⲟ̀ⲩⲡⲩⲗⲏ ⲛⲓⲙⲁⲛϣⲁⲓ: ⲙ̀ⲡⲉϩ̀ⲗⲓ ϣⲉ ⲉ̀ϧⲟⲩⲛ ⲉ̀ⲣⲟⲥ: ⲉ̀ⲃⲏⲗ ⲉ̀Ⲡⲭ̅ⲥ̅ Ⲁ̀ⲇⲱⲛⲁⲓ.
يا حزقيال تعال في وسطنا لتخبرنا علانية عن ميلاد مخلصنا يسوع المسيح صاحب السلطان.
لأنك قلت بالروح أني رأيت باباً نحو المشرق ولم يدخله أحد. إلا المسيح اللـه.
+ Ⲗⲉⲗⲓ ⲙ̀ⲫⲟⲟ̀ⲩ ⲱ̀ ⲛⲓⲡ̀ⲣⲟⲫⲏⲧⲏⲥ: ⲛⲉⲙ ⲛⲓⲑ̀ⲙⲏⲓ ⲛⲉⲙ ⲛⲓⲇⲓⲕⲉⲟⲥ: ⲉⲑⲃⲉ ⲡⲓϫ̀ⲫⲟ ⲙ̀ⲡⲓⲆⲉⲥⲡⲟⲧⲏⲥ: Ⲓⲏ̅ⲥ̅ Ⲡⲭ̅ⲥ̅ ⲡⲓⲆⲩⲙⲓⲟⲩⲣⲅⲟⲥ.
+ Ⲙⲁⲣⲟⲩⲟ̀ⲩⲛⲟϥ ⲛ̀ϫⲉ ⲛⲁⲛⲓⲫⲏⲟⲩⲓ̀: ⲟⲩⲟϩ ⲙⲁⲣⲟⲩⲑⲉⲗⲏⲗ ⲛ̀ϫⲉ ⲛⲁⲡ̀ⲕⲁϩⲓ: ϫⲉ Ⲓⲏ̅ⲥ̅ Ⲡⲭ̅ⲥ̅ ⲡⲓⲙⲁⲓⲣⲱⲙⲓ: ⲉⲑⲃⲉ ⲡⲉϥϫ̀ⲫⲟ ⲁϥϫⲉⲙⲡⲉⲛϣⲓⲛⲓ.
تهللوا اليوم أيها الأنبياء والأبرار والصديقـون من أجل ميلاد السيد يسوع المسيح الخالق.
فليفرح السمائيـون وليتهـلل الأرضيون لأن يسوع المسيح محب البشر من أجل ميلاده قد تعهدنا.
Ⲛⲓⲙ ⲉⲧⲟ̀ⲛⲓ ⲙ̀ⲙⲟⲕ ϧⲉⲛ ⲛⲓⲛⲟⲩϯ: ⲛ̀ⲑⲟⲕ ⲡⲉ Ⲫϯ ⲛ̀ⲧⲉ ⲛⲓⲛⲟⲩϯ: ⲧⲉⲛϩⲱⲥ ⲉ̀ⲣⲟⲕ ϧⲉⲛ ⲟⲩⲑⲟ ⲛ̀ⲣⲏϯ: ϫⲉ ⲛ̀ⲑⲟⲕ ⲁⲩⲙⲁⲥⲕ ⲉⲑⲃⲉ ⲡⲉⲛⲥⲱϯ.
Ⲝ̀ⲙⲁⲣⲱⲟⲩⲧ ⲱ̀ Ⲡⲭ̅ⲥ̅ Ⲕⲩⲣⲓⲟⲛ: ⲛⲉⲙ Ⲡⲉⲕⲓⲱⲧ ⲛ̀ⲁ̀ⲅⲁⲑⲟⲥ: ⲕⲉ Ⲡ̀ⲛⲉⲩⲙⲁⲧⲓ ⲁ̀ⲅⲓⲟⲛ: ϯⲦ̀ⲣⲓⲁⲥ ⲛ̀ⲟⲙⲟⲟⲩⲥⲓⲟⲥ.
من يشبهك في الآله أنت هو إله الآله نسبحك بكل نوع لأنك وُلدت من أجل خلاصنا.
تباركت أيها المسيح الرب مع أبيك الصالح والروح القدس الثالوث المساوي.
+ Ⲟⲩⲥⲓⲟⲩ ⲁϥϣⲁⲓ ϧⲉⲛ ⲛⲓⲙⲁ ⲛ̀ϣⲁⲓ: ⲟ̀ⲩⲟ̀ⲩⲣⲟ ⲁⲩⲙⲁⲥϥ ϧⲉⲛ Ⲃⲏⲑⲗⲉⲉⲙ: ⲉ̀ⲧⲉ ⲫⲁⲓ ⲡⲉ Ⲡⲟ̅ⲥ̅ Ⲁ̀ⲇⲱⲛⲁⲓ: ⲉ̀ⲃⲟⲗϧⲉⲛ ⲧⲉⲛⲟ̅ⲥ̅ Ⲙⲁⲣⲓⲁⲙ.
+ Ⲡⲓⲁ̀ⲧϣ̀ⲧⲁϩⲱϥ ⲁⲩϫⲉⲙϫⲟⲙϥ: ⲫⲏⲁ̀ⲑⲛⲁⲩ ⲉ̀ⲣⲟϥ ⲁⲩⲛⲁⲩ ⲉ̀ⲣⲟϥ: ⲁ̀ⲙⲱⲓⲛⲓ ⲙⲁⲣⲉⲛⲟ̀ⲩⲱ̀ϣⲧ ⲙ̀ⲙⲟϥ: ⲧⲉⲛⲉⲣϩⲟⲩⲟ̀ ϭⲓⲥⲓ ⲙ̀ⲙⲟϥ.
نجم ظهـر في المشرق ملك وُلـد في بيت لحم هذا هو الرب الإله من سيدتنا مريم.
به أصبح ما لا يـُدرك ملموساً وما لا يـُرى منظوراً تعالـوا نسجـد له ونزيده علـواً.
Ⲣⲁϣⲓ ⲑⲉⲗⲏⲗ ⲱ̀ ϯⲡⲟⲗⲓⲥ: Ⲃⲏⲑⲗⲉⲉⲙ ⲛⲉⲙ Ⲥⲓⲱⲛ: ⲉⲑⲃⲉ Ⲡⲭ̅ⲥ̅ ⲡⲓⲙⲟⲛⲟⲅⲉⲛⲏⲥ: ⲫ̀ⲣⲉϥⲑⲁⲙⲓⲟ ⲛ̀ⲛⲓⲉ̀ⲱ̀ⲛ.
Ⲥ̀ⲙⲟⲩ ⲉ̀ⲣⲟⲛ ϧⲉⲛ ⲡⲉⲕⲥ̀ⲙⲟⲩ: ⲱ̀ ⲡⲉⲛⲤⲱⲧⲏⲣ ⲛ̀ⲁ̀ⲅⲁⲑⲟⲥ: ⲡⲉⲕⲗⲁⲟⲥ ⲁ̀ⲙⲟⲛⲓ ⲙ̀ⲙⲱⲟ̀ⲩ: ⲁ̀ⲣⲉϩ ⲉ̀ⲣⲱⲟ̀ⲩ ⲉ̀ⲃⲟⲗϧⲉⲛ ⲛⲓⲡⲓⲣⲁⲥⲙⲟⲥ.
افرحى وتهللى يا مدينة بيت لحم. ويا صهيون أيضاً من أجل المسيح الوحيد خالق الدهـور.
باركنا ببركتك يا مخلصنا الصالح وارع شعبك واحفطه من التحارب.
+ Ⲧⲉⲛϯϩⲟ ⲉ̀ⲣⲟⲕ ⲱ̀ Ⲡⲭ̅ⲥ̅ ⲛⲁϩⲙⲉⲛ: ⲉ̀ⲃⲟⲗϩⲁ ⲛⲓϩ̀ⲃⲱⲛ ⲛⲉⲙ ⲛⲓⲗⲟⲓⲙⲟⲥ: ⲛⲉⲙ ⲛⲓⲣⲱⲙⲓ ⲉⲧϩⲱⲟ̀ⲩ ⲟⲛ: ⲛⲉⲙ ⲛⲓⲙⲟⲕⲙⲉⲕ ⲛⲉⲙ ⲛⲓⲫ̀ⲑⲟⲛⲟⲥ.
+ Ⲩⲓⲟⲥ Ⲑⲉⲟⲥ ⲁϥϣⲁⲓ ⲙ̀ⲫⲟⲟ̀ⲩ: ϧⲉⲛ ⲕⲉⲛϥ ⲙ̀Ⲙⲁⲣⲓⲁ ϯⲟⲩⲣⲱ: ϧⲉⲛ ⲑ̀ⲃⲁⲕⲓ ⲛ̀Ⲇⲁⲩⲓⲇ ⲡ̀ⲟⲩⲣⲟ: Ⲃⲏⲑⲗⲉⲉⲙ ϩⲱⲥ ⲁ̀ⲅⲁⲑⲟⲥ.
نسألك أيها المسيح نجنا من الغلاء والحروب ومن الناس الأشرار أيضاً والأفكار الرديئة والحسد.
لقد أشرق ابن اللـه اليوم في حضن مريم الملكة في مدينة داود الملك في بيت لحم كصالح.
Ⲫⲏⲉ̀ⲧϩⲉⲙⲥⲓ ϩⲓϫⲉⲛ ⲛⲓⲬⲉⲣⲟⲩⲃⲓⲙ: ⲁⲩⲛⲁⲩ ⲉ̀ⲣⲟϥ ⲛ̀ϫⲉ ⲛⲓⲙⲁⲛⲉ̀ⲥⲱⲟ̀ⲩ: ⲟⲩⲟϩ ⲁⲩϯⲱ̀ⲟⲩ ⲛⲁϥ ⲛ̀ϫⲉ ⲛⲓⲤⲉⲣⲁⲫⲓⲙ: ϧⲉⲛ ϩⲁⲛⲥ̀ⲙⲏ ⲛ̀ⲁ̀ⲧⲭⲁⲣⲱⲟ̀ⲩ.
Ⲭⲉⲣⲉ ⲛⲉ ⲱ̀ ϯⲠⲁⲣⲑⲉⲛⲟⲥ: Ⲙⲁⲣⲓⲁ ⲡ̀ⲥⲱϯ ⲛ̀Ⲁ̀ⲇⲁⲙ: ⲛⲉⲙ Ⲓⲉⲣⲟⲩⲥⲁⲗⲏⲙ ⲧ̀ⲡⲟⲗⲓⲥ ⲙ̀Ⲡⲟ̅ⲥ̅: ⲛⲉⲙ Ⲥⲓⲱⲛ ϯⲃⲁⲕⲓ ⲙ̀Ⲃⲏⲑⲗⲉⲉⲙ.
الجالس على الشاروبيم رآه الرعاة ومجده الساروفيم بأصوات لا تـنقـطع.
السلام لك أيتها العذراء مريم خلاص آدم وأورشليم مدينة الرب وصهيون مدينة بيت لحم.
+ Ⲯⲩⲭⲏ ⲛⲓⲃⲉⲛ ⲙⲟⲓ ⲛⲱⲟ̀ⲩ ⲛ̀ⲟⲩⲭ̀ⲃⲟⲃ: ⲉⲛ ⲡⲓⲡⲁⲣⲁⲇⲓⲥⲟⲥ ⲛⲉⲙ ⲛⲓⲇⲓⲕⲉⲟⲥ: Ⲁⲃⲣⲁⲁⲙ Ⲓⲥⲁⲁⲕ Ⲓⲁⲕⲱⲃ: ϩⲓⲧⲉⲛ ⲛⲓϯϩⲟ ⲛ̀ⲧⲉ ϯⲑⲉⲟⲧⲟⲕⲟⲥ.
+ Ⲱ̀ ⲡⲉⲛⲤⲱⲧⲏⲣ ⲛ̀ⲁ̀ⲅⲁⲑⲟⲥ: ϩⲓⲧⲉⲛ ⲛⲓⲡ̀ⲣⲉⲥⲃⲓⲁ ⲛ̀ϯⲠⲁⲣⲑⲉⲛⲟⲥ: ⲛⲟϩⲉⲙ ⲙ̀ⲡⲉⲕⲃⲱⲕ Ⲛⲓⲕⲟⲇⲓⲙⲟⲥ: ⲛⲉⲙ ⲡ̀ⲥⲉⲡⲓ ⲛ̀ⲛⲓⲭ̀ⲣⲓⲥⲧⲓⲁⲛⲟⲥ.
كل الأنفس أعطها برودة في الفردوس مع الصديقين إبراهيم واسحق ويعقوب بتوسل والدة الإله.
يا مخلصنا الصالح بشفاعات العذراء خلص عبدك نيقوديموس وبقية المسيحيـين.