Special Hymn :: Ⲡⲓϩⲓϣⲉⲛⲛⲟⲩϥⲓ ⲛ̀ϫⲉ Ⲅⲁⲃⲣⲓⲏⲗ :: لحن خاص

Ⲡⲓϩⲓϣⲉⲛⲛⲟⲩϥⲓ ⲛ̀ϫⲉ Ⲅⲁⲃⲣⲓⲏⲗ: ⲫⲏⲉ̀ⲧⲁϥϩⲱⲗ ϣⲁϯ ⲡⲁⲣⲑⲉⲛⲟⲥ: ⲁϥⲉⲣⲭⲉⲣⲉⲧⲓⲍⲓⲛ ⲙ̀ⲙⲟⲥ: ⲙ̀ⲡⲁⲓⲣⲏϯ ⲉϥϫⲱ ⲙ̀ⲙⲟⲥ.

Ⲃⲁⲣⲁⲗⲉⲝ
Ϫⲉ ⲡ̀ⲥⲁϫⲓ ⲙ̀Ⲡ;ⲓⲉⲝⲥⲗⲑ: ⲁ̀ϥⲓ̀ϣⲁⲣⲟ: ⲉ̀ⲧⲉⲫⲁⲓ ⲡⲉ Ⲉⲙⲙⲁⲛⲟⲩⲏⲗ: ⲧⲉⲣⲁⲙⲓⲥⲓ ⲙ̀ⲙⲟϥ ϩⲓϫⲉⲛ ⲡⲓⲕⲁϩⲓ: ⲛ̀ⲧⲉϥⲥⲱϯ ⲙ̀ⲡ̀ⲅⲉⲛⲟⲥ ⲛ̀ⲁ̀ⲇⲁⲙ.

Ⲁ̀ⲫ̀ⲓⲱⲧ ⲛ̀ⲧⲉ ⲡⲓⲟⲩⲱⲓⲛⲓ: ⲥⲁϫⲓ ⲛ̀ⲑⲟϥ ⲛⲉⲙ Ⲅⲁⲃⲣⲓⲏⲗ: ϫⲉ ⲁ̀ⲙⲟⲩ ⲛ̀ⲧⲁⲟⲩⲟⲣⲡⲕ ϣⲁ ϯⲡⲁⲣⲑⲉⲛⲟⲥ: Ⲙⲁⲣⲓⲁ ⲧ̀ϣⲉⲣⲓ ⲛ̀Ⲓⲱⲁⲕⲏⲙ.

Ⲁⲣⲉϫⲉⲙ ϩ̀ⲙⲟⲧ ⲱ̀ⲧⲁⲓ ⲡⲁⲣⲑⲉⲛⲟⲥ: ⲙ̀ⲡⲉⲙ̀ⲑⲟ ⲙ̀ⲡⲓⲡⲁⲛⲧⲟⲕⲣⲁⲧⲱⲣ: ⲁϥⲟⲩⲱⲣⲡ ϣⲁⲣⲟ ⲛ̀ϫⲉ Ⲅⲁⲃⲣⲓⲏⲗ: ⲡⲓⲛⲓϣϯ ⲛ̀ⲁⲣⲭⲏⲁⲅⲅⲉⲗⲟⲥ.

Ⲁ̀ⲙⲟⲩ ⲛ̀ⲧⲁⲟⲩⲟⲣⲡⲕ ⲱ̀Ⲅⲁⲃⲣⲓⲏⲗ: ϣⲁ ϯⲡⲁⲣⲑⲉⲛⲟⲥ ⲉⲧⲧⲟⲩⲃⲓⲏⲟⲩⲧ: ⲛ̀ⲧⲉⲕⲥⲟⲃϯ ⲙ̀ⲙⲟⲥ ⲛ̀ⲟⲩⲉⲣⲫⲉⲓ: ⲙ̀ⲡⲓⲙⲟⲛⲟⲅⲉⲛⲏⲥ ⲛ̀ϣⲏⲣⲓ.

Ⲁ̀ⲙⲟⲩ ⲛ̀ⲧⲁⲟⲩⲟⲣⲡⲕ ⲱ̀Ⲅⲁⲃⲣⲓⲏⲗ: ϣⲁ ϯⲡ̅ⲁ̅ⲣ̅ ⲛ̀ⲕⲁⲑⲁⲣⲟⲥ: ⲛ̀ⲧⲉⲕ ⲥⲟⲃϯ ⲙ̀ⲙⲟⲥ ⲛ̀ⲟⲩⲫⲉ ⲙ̀ⲃⲉⲣⲓ: ⲙ̀ⲡⲓⲙⲟⲛⲟⲅⲉⲛⲏⲥ ⲙ̀ⲙⲉⲛⲣⲏⲧ.

Ⲁ̀ⲙⲟⲩ ⲛ̀ⲧⲁⲟⲩⲟⲣⲡⲕ ⲱ̀Ⲅⲁⲃⲣⲓⲏⲗ: ϣⲁ ϯⲕⲩⲃⲱⲧⲟⲥ ⲛ̀ⲛⲟⲩⲏ̀ⲣⲟⲛ:ⲑⲏⲉ̀ⲧⲁⲥⲛⲟϩⲉⲙ ⲛ̀ⲛⲱⲉ̀ ⲡⲓⲑ̀ⲙⲏⲓ: ϧⲉⲛ ⲛⲓⲙⲱⲟⲩ ⲛ̀ⲧⲉ ⲡⲓⲕⲁⲧⲁⲕ̀ⲗⲩⲥⲙⲟⲥ.

Ϩⲓϣⲉⲛⲛⲟⲩϥⲓ ⲛⲁⲥ ⲱⲄⲁⲃⲣⲓⲏⲗ: ⲙ̀ⲡ̀ϫⲓⲛ ⲉⲣⲣⲱⲙⲓ ⲛ̀ⲧⲉ ⲡⲉⲥⲙⲉⲛⲣⲓⲧ: ⲛ̀ⲧⲉⲥⲙⲓⲥⲓ ⲙ̀ⲙⲟϥ ϩⲓϫⲉⲛ ⲡⲓⲕⲁϩⲓ: ⲛ̀ⲧⲉϥⲥⲱϯ ⲙ̀ⲡ̀ⲅⲉⲛⲟⲥ ⲛ̀Ⲁⲇⲁⲙ.

Ⲁ̀ⲣⲓⲡ̀ⲣⲉⲥⲃⲉⲩⲓⲛ...