St. Theodorus El-Shotbe - 2nd :: Ⲁⲡⲉⲛⲟ̅ⲥ̅ Ⲓⲏ̅ⲥ̅ Ⲡⲭ̅ⲥ̅

Ⲁⲡⲉⲛⲟ̅ⲥ̅ Ⲓⲏ̅ⲥ̅ Ⲡⲭ̅ⲥ̅: ϣⲁⲛⲁ ϩ̀ⲑⲏϥ ϧⲁⲛⲓⲉⲣⲙⲱⲟⲩⲓ̀: ⲛ̀ⲧⲉ ϯⲭⲏⲣⲁ ⲉⲧ ϧⲉⲛ Ⲛⲁⲓ̀ⲛ: ⲁϥⲧⲟⲩ ⲛⲟⲥ ⲡⲉⲥϣⲏⲣⲓ ⲛⲁⲥ.

+ Ⲅⲉⲛⲟⲥ ⲛⲓⲃⲉⲛ ⲛ̀ⲧⲉ ⲛⲓⲣⲱⲙⲓ: ⲉⲧϣⲟⲡ ϧⲉⲛ ⲧ̀ⲝⲱⲣⲁ ⲃ̀ Ⲉⲩⲭⲏⲧⲟⲥ: ⲁⲩⲛⲁⲩ ⲉⲧⲉⲕ ⲛⲓϣϯ ⲙ̀ⲙⲉⲧⲅⲱⲣⲓ: ⲱ̀ ⲡⲓⲁ̀ⲅⲓⲟⲥ Ⲑⲉⲟⲇⲱⲣⲟⲥ.

Ⲙ̀ⲫ̀ⲛⲁⲩ ⲉⲧⲉⲕϧⲟⲕ ⲉ̀ϫⲉⲛ ⲧⲉⲕϯⲡⲓ: ⲟⲩⲟϩ ϧⲱⲧⲉⲃ ⲙ̀ⲡⲓⲇ̀ⲣⲁⲕⲟⲛ: ⲛ̀ⲣⲉϥⲧⲁⲕⲉ ⲕⲟⲩϫⲓ ⲛ̀ⲁⲗⲟⲩ: ⲁⲕⲛⲟϩⲉⲙ ⲛ̀ⲛⲓϣⲏⲣⲓ ⲛ̀ⲧⲉϯⲭⲏⲣⲁ.

+ Ⲉⲧⲁⲕ ϧⲟⲗϧⲉⲗ ⲙ̀ⲡ̀ⲥⲁⲧⲁⲛⲁⲥ: ⲡⲓⲛⲓϣϯ ⲙ̀ⲡⲓⲇ̀ⲣⲁⲕⲟⲛ ⲉⲧϩⲱⲟⲩ: ϩⲓⲧⲉⲛ ⲡⲓϧⲉⲗⲗⲓⲃϣ ⲛ̀ⲧⲉ ⲡⲓⲛⲁϩϯ: ⲛⲉⲙ ⲧ̀ⲥⲏϥⲓ ⲛ̀ⲧⲉ ⲡⲓⲠ̀ⲛⲉⲩⲙⲁ ⲉ̅ⲑ̅ⲩ̅.

Ⲑⲉⲟⲇⲱⲣⲟⲥ ⲡⲓⲤ̀ⲧⲣⲁⲧⲓⲗⲁⲧⲏⲥ: ⲡⲓⲁ̀ⲅⲱⲛⲏⲧⲏⲥ ⲙ̀ⲙⲏⲓ: ⲡⲓⲣⲉϥⲙⲓϣⲓ ⲛ̀ⲕⲁⲗⲱⲥ: ⲡⲓϫⲱⲣⲓ ⲛ̀ⲣⲉϥϭ̀ⲣⲟ.

+ Ⲫⲏⲉ̀ⲧ ⲁϥϫⲱⲕ ⲉ̀ⲃⲟⲗ ⲉ̀ϫⲱϥ: ⲛ̀ϫⲉ ⲡ̀ⲥⲁϫⲓ ⲙ̀ⲡⲓⲡ̀ⲣⲟⲫⲏⲧⲓⲕⲟⲛ: ϫⲉ ⲁⲕ ϩⲱⲙⲓ ⲉ̀ϫⲉⲛ ⲟⲩϩⲟϥ ⲛⲉⲙ ⲟⲩⲃⲁⲥⲓⲗⲓⲥⲕⲟⲥ.

Ⲭⲉⲣⲉ ⲛⲁⲕ ⲱ̀ ⲡⲓⲙⲁⲣⲧⲩⲣⲟⲥ: ⲭⲉⲣⲉ ⲡⲓϣⲱⲓϫ ⲛ̀ⲅⲉⲛⲛⲉⲟⲥ: ⲭⲉⲣⲉ ⲡⲓⲁ̀ⲑⲗⲟⲫⲟⲣⲟⲥ: Ⲑⲉⲟⲇⲱⲣⲟⲥ ⲡⲓⲤ̀ⲧⲣⲁⲧⲓⲗⲁⲧⲏⲥ.

+ Ⲧⲱⲃϩ ⲙ̀Ⲡⲟ̅ⲥ̅ ⲉ̀ϩ̀ⲣⲏⲓ ⲉ̀ϫⲱⲛ: ⲱ̀ ⲡⲓⲁ̀ⲑⲗⲟⲫⲟⲣⲟⲥ ⲙ̀ⲙⲁⲣⲧⲩⲣⲟⲥ: Ⲑⲉⲟⲇⲱⲣⲟⲥ ⲡⲓⲤ̀ⲧ̀ⲣⲁⲧⲓⲗⲁⲧⲏⲥ: ⲛ̀ⲧⲉϥ ⲭⲁ ⲛⲉⲛⲛⲟⲃⲓ ⲛⲁⲛ ⲉ̀ⲃⲟⲗ.