Feasts - أعياد Minor Feasts of The Lord - الأعياد السيدية الصغار Wedding of Cana of Galilee Hymn of Nikhora :: Ⲛⲓⲭⲱⲣⲁ ⲧⲏⲣⲟⲩ ⲛ̀ⲧⲉ Ⲓⲉⲣⲓⲭⲱ :: لحن نيخورا
Feast of the Wedding of Cana of Galilee
Wagdi Bishara
O regions of Jericho, the Mount of Olives and Jerusalem, come see this great wonder, that was made in the wedding of Cana of Galilee.
Ⲛⲓⲭⲱⲣⲁ ⲧⲏⲣⲟⲩ ⲛ̀ⲧⲉ Ⲓⲉⲣⲓⲭⲱ: ⲛⲉⲙ ⲡ̀ⲧⲱⲟⲩ ⲛ̀ⲧⲉ ⲛⲓϫⲱⲓⲧ ⲛⲉⲙ Ⲓⲉⲣⲟⲩⲥⲁⲗⲏⲙ: ⲁ̀ⲙⲱⲓⲛⲓ ⲁ̀ⲛⲁⲩ ⲉ̀ⲧⲁⲓⲛⲓϣϯ ⲛ̀ϣ̀ⲫⲏⲣⲓ: ⲑⲏⲉ̀ⲧⲁⲥϣⲱⲡⲓ ϧⲉⲛ ⲡ̀ϩⲟⲡ ⲛ̀Ⲧ̀ⲕⲁⲛⲁ ⲛ̀ⲧⲉ Ϯⲅⲁⲗⲓⲗⲉⲁ̀.
يا كل كور إريحا، وجبل الزيتون وأورشليم، تعالوا انظروا هذه الأُعجوبة العظيمة، التي صارت فى عرس قانا الجليل.
Paralex
This is the first miracle, that our good Savior performed, before His Disciples, that they believed in Him to be the Christ.
Ⲡⲁⲣⲗⲉⲝ:
Ⲫⲁⲓ ⲡⲉ ⲡⲓϩⲟⲩⲓⲧ ⲙ̀ⲙⲏⲛⲓ: ⲉ̀ⲧⲁ Ⲡⲉⲛⲥⲱⲧⲏⲣ ⲛ̀ⲁ̀ⲅⲁⲑⲟⲥ: ⲁⲓϥ ⲙ̀ⲡⲉⲙ̀ⲑⲟ ⲛ̀ⲛⲉϥⲙⲁⲑⲏⲧⲏⲥ: ⲁⲩⲛⲁϩϯ ⲉ̀ⲣⲟϥ ϫⲉ Ⲡⲓⲭ̀ⲣⲓⲥⲧⲟⲥ.
برلكس:
هذه هي الأية الأولى، التي صنعها مخلصنا الصالح، أمام تلاميذه، وآمنوا به أنه المسيح.
Jesus of Nazareth, blessed the water and it became wine, no one has seen such wonder, since the times of Adam till today.
Ⲓⲏⲥⲟⲩⲥ Ⲡⲓⲣⲉⲙⲛⲁⲍⲁⲣⲉⲑ: ⲁϥⲥ̀ⲙⲟⲩ ⲉ̀ⲛⲓⲙⲱⲟⲩ ⲁϥⲁⲓⲧⲟⲩ ⲛ̀ⲏⲣⲡ: ⲙ̀ⲡⲉϩ̀ⲗⲓ ⲛⲁⲩ ⲉ̀ⲟⲩϣ̀ⲫⲏⲣⲓ ⲉⲥⲟ̀ⲛⲓ ⲛ̀ⲑⲁⲓ: ⲓⲥϫⲉⲛ Ⲁ̀ⲇⲁⲙ ϣⲁ ⲉ̀ϧⲟⲩⲛ ⲙ̀ⲫⲟⲟⲩ.
يسوع الناصري، بارك المياه فصيرها خمراً، ما نظر أحد أعجوبة مثل هذه، منذ أدام إلى اليوم.
Six jars of water, You changed into chosen wine, with Your great glory, in the wedding of Cana of Galilee.
Ⲥⲟⲟⲩ ⲛ̀ϩⲩⲇⲣⲓⲁ ⲙ̀ⲙⲱⲟⲩ: ⲟⲩⲏⲣⲡ ⲉϥⲥⲱⲧⲡ ⲁⲕⲟⲩⲱ̀ⲧⲉⲃ ⲙ̀ⲙⲱⲟⲩ: ⲉ̀ⲃⲟⲗϧⲉⲛ ⲡⲉⲕⲛⲓϣϯ ⲛ̀ⲱ̀ⲟⲩ: ϧⲉⲛ ⲡ̀ϩⲟⲡ ⲛ̀Ⲧ̀ⲕⲁⲛⲁ ⲛ̀ⲧⲉ Ϯⲅⲁⲗⲓⲗⲉⲁ̀.
ستة أجران ماء، حولتها إلى خمر مختار، من قِبَل مجدك العظيم، فى عرس قانا الجليل.
Jesus Christ the same yesterday, today and forever, in one hypostasis, we worship and glorify Him.
Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ ⲛ̀ⲥⲁϥ ⲛⲉⲙ ⲫⲟⲟⲩ: ⲛ̀ⲑⲟϥ ⲛ̀ⲑⲟϥ ⲡⲉ ⲛⲉⲙ ϣⲁ ⲉ̀ⲛⲉϩ: ϧⲉⲛ ⲟⲩϩⲩⲡⲟⲥⲧⲁⲥⲓⲥ ⲛ̀ⲟⲩⲱⲧ: ⲧⲉⲛⲟⲩⲱϣⲧ ⲙ̀ⲙⲟϥ ⲧⲉⲛϯⲱ̀ⲟⲩ ⲛⲁϥ.
يسوع المسيح هو هو أمس، واليوم وإلى الأبد، بأُقنوم واحد، نسجد له ونمجده.
Intercede on our behalf, O the Lady of us all the Theotokos, Mary the Mother of our Savior, that He may forgive us our sins.
Ⲁ̀ⲣⲓⲡ̀ⲣⲉⲥⲃⲉⲩⲓⲛ ⲉ̀ϩ̀ⲣⲏⲓ ⲉ̀ϫⲱⲛ: ⲱ̀ ⲧⲉⲛϭⲟⲓⲥ ⲛ̀ⲛⲏⲃ ⲧⲏⲣⲉⲛ Ϯⲑⲉⲟ̀ⲧⲟⲕⲟⲥ: Ⲙⲁⲣⲓⲁ Ⲑ̀ⲙⲁⲩ ⲙ̀Ⲡⲉⲛⲥⲱⲧⲏⲣ: ⲛ̀ⲧⲉϥⲭⲁ ⲛⲉⲛⲛⲟⲃⲓ ⲛⲁⲛ ⲉ̀ⲃⲟⲗ.
إشفعي فينا، يا سيدتنا كلنا السيدة والدة الإله، مريم أُم مخلصنا، ليغفر لنا خطايانا.
