St. George Doxology - 2nd :: Ⲛⲓⲭⲟⲣⲟⲥ ⲛ̀ⲧⲉ ⲛⲓⲙⲁⲣⲧⲩⲣⲟⲥ

Ⲛⲓⲭⲟⲣⲟⲥ ⲛ̀ⲧⲉ ⲛⲓⲙⲁⲣⲧⲩⲣⲟⲥ: ⲛⲉⲙ ⲛⲓⲑ̀ⲙⲏⲓ ⲛⲉⲙ ⲛⲓⲇⲓⲕⲉⲟⲥ: ⲉⲩⲉ̀ⲣⲙⲁⲕⲁⲣⲓⲍⲓⲛ ⲙ̀ⲙⲟⲕ: ⲱ̀ ⲡⲓⲟ̀ⲩⲣⲟ Ⲅⲉⲱ̀ⲣⲅⲓⲟⲥ.

Ϫⲉ ⲛ̀ⲑⲟⲕ ⲟⲩⲛⲓϣϯ ⲅⲁⲣ ⲛ̀ϧⲏⲧⲟⲩ: ⲉ̀ⲑⲃⲉ ⲧⲉⲕⲟ ⲙⲟⲗⲟⲅⲓⲁ: ⲙⲉⲛⲉⲛⲥⲁ ϣⲁϣϥ ⲛ̀ⲣⲟⲙⲡⲓ ⲛ̀ⲥⲏⲟⲩ: ⲙ̀ⲡⲉϩ̀ⲗⲓ ⲉⲣⲫ̀ⲙⲉⲩⲓ̀ ⲙ̀Ⲡⲭ̅ⲥ̅.

Ⲁⲕⲟⲩⲱⲛϩ ⲙ̀Ⲡⲭ̅ⲥ̅ ⲉ̀ⲃⲟⲗ: ϧⲉⲛ ⲟⲩⲡⲁⲣⲣⲏⲥⲓⲁ ⲛ̀ⲁ̀ⲧⲉⲣϩⲟϯ: ⲁϥϣⲱⲡⲓ ⲛ̀ϩⲁⲛ ϣ̀ⲃⲉ ⲛ̀ⲟⲩⲣⲟ: ⲛⲉⲙ ⲛⲟⲩⲓ̀ⲇⲱⲗⲟⲛ ⲉⲧϭⲱϧⲉⲙ.

Ⲁⲕϣⲉⲡ ⲙ̀ⲕⲁⲩϩⲉ̀ⲃⲟⲗ ϩⲓⲧⲟⲧⲟⲩ: ⲛ̀ϣⲁϣϥ ⲛ̀ⲣⲟⲙⲡⲓ ⲉⲧϫⲉⲏⲕ ⲉ̀ⲃⲟⲗ: ⲁⲩⲉⲣ ⲃⲁⲥⲁⲛⲓⲍⲓⲛ ⲙ̀ⲙⲟⲕ: ϧⲉⲛ ⲟⲩⲛⲓϣϯ ⲙ̀ⲃⲁⲥⲁⲛⲟⲥ.

Ϧⲉⲛ ⲛⲁⲓ ⲁⲠⲭ̅ⲥ̅ ⲡⲓⲞⲩⲣⲟ: ϯⲧⲁⲓⲟ ⲙ̀ⲙⲟⲕ ⲉ̀ⲙⲁϣⲱ: ⲉ̀ϩⲟⲧⲉ ⲡⲓⲙⲁⲣⲧⲩⲣⲟⲥ: ⲁϥⲙⲟⲩϯ ⲉ̀ⲣⲟⲕ ϫⲉ ⲟⲩⲛⲓϣϯ ⲛ̀ϧⲏⲧⲟⲩ.

Ⲁϥⲉⲣⲫⲟⲣⲓⲛ ⲙ̀ⲙⲟⲕ ϧⲉⲛ ⲧⲉϥϫⲓϫ: ⲛ̀ⲟⲩⲓ̀ ⲛⲁⲙ ⲛ̀ϣⲁϣϥ ⲛ̀ⲭ̀ⲗⲟⲙ: ⲁϥⲟⲗⲕ ⲛⲉⲙⲁϥ ⲉ̀ⲧⲉϥ ⲙⲉⲧⲟⲩⲣⲟ: ϧⲉⲛ ⲱⲟⲩ ⲛⲉⲙ ⲟⲩⲧⲁⲓⲟ.

Ⲭⲉⲣⲉ ⲛⲁⲕ ⲱ̀ ⲡⲓⲙⲁⲣⲧⲩⲣⲟⲥ: ⲛ̀ⲧⲉ ⲡⲉⲛⲟ̅ⲥ̅ Ⲓⲏ̅ⲥ̅ Ⲡⲭ̅ⲥ̅: ⲭⲉⲣⲉ ⲡⲓϣⲱⲓϫ ⲛ̀ⲅⲉⲛⲛⲉⲟⲥ: ⲡⲁⲟ̅ⲥ̅ ⲡ̀ⲟⲩⲣⲟ Ⲅⲉⲱ̀ⲣⲅⲓⲟⲥ.

+ Ⲧⲱⲃϩ ⲙ̀Ⲡⲟ̅ⲥ̅ ⲉ̀ϩ̀ⲣⲏⲓ ⲉ̀ϫⲱⲛ:ⲱ̀ ⲡⲓⲁ̀ⲑⲗⲟⲫⲟⲣⲟⲥ ⲙ̀ⲙⲁⲣⲧⲩⲣⲟⲥ: ⲡⲁⲟ̅ⲥ̅ ⲡ̀ⲟⲩⲣⲟ Ⲅⲉⲱ̀ⲣⲅⲓⲟⲥ: ⲛ̀ⲧⲉϥ ⲭⲁ ⲛⲉⲛⲛⲟⲃⲓ ⲛⲁⲛ ⲉⲃⲟⲗ.