Any Female Martyr Doxology :: Ⲱ̀ⲟⲩⲛⲓⲁϯ ⲁ̀ⲗⲏⲑⲱⲥ :: لآى شهيده

Ⲱ̀ⲟⲩⲛⲓⲁϯ ⲁ̀ⲗⲏⲑⲱⲥ: ⲱ̀ ϯⲁⲅⲓⲁ (...) ϯⲡⲁⲣⲑⲉⲛⲟⲥ: ϯϣⲉⲗⲉⲧ ⲛ̀ⲧⲉ Ⲡⲭ̅ⲥ̅: ⲡⲓⲛⲩⲙⲫⲓⲟⲥ ⲛ̀ⲕⲁⲑⲁⲣⲟⲥ.

Ϫⲉ ⲁⲣⲉⲉ̀ⲣⲕⲁⲧⲁⲫ̀ⲣⲟⲛⲓⲛ: ⲙ̀ⲡⲓⲱ̀ⲟⲩⲧⲏⲣϥ ⲛ̀ⲧⲉ ⲡⲁⲓ ⲕⲟⲥⲙⲟⲥ: ⲛⲉⲙ ⲡ̀ϣⲟⲩϣⲟⲩ ⲛ̀ⲧⲉ ⲡⲁⲓⲃⲓⲟⲥ: ⲁⲣⲉⲙⲉⲛⲣⲉ ⲡⲓⲧⲟⲩⲃⲟ.

Ⲁⲥϯϣⲓⲡⲓ ⲙ̀ⲡ̀ⲥⲁⲧⲁ ⲛⲁⲥ: ⲛⲉⲙ ⲛⲉϥⲇⲉⲙⲱⲛ ⲙ̀ⲡⲟⲛⲏⲣⲟⲛ: ϩⲓⲧⲉⲛ ⲡⲉⲥⲛⲓϣϯ ⲛ̀ⲁ̀ⲙⲟⲛⲓ ⲛ̀ⲧⲟⲧⲥ: ϧⲉⲛ ⲡⲓⲧⲟⲩⲃⲟ ⲛ̀ⲧⲉ ⲧⲉⲥⲡⲁⲣⲑⲉⲛⲓⲁ.

Ⲟⲩⲛⲓϣϯ ⲅⲁⲣ ϧⲉⲛ ⲟⲩⲙⲉⲑⲙⲏⲓ: ⲡⲉ ⲡⲓⲁ̀ⲅⲱⲛ ⲉⲧⲥⲱⲧⲡ: ⲛ̀ⲧⲉ ϯⲁ̀ⲅⲓⲁ (...): ϯϣⲉⲗⲉⲧ ⲛ̀ⲧⲉ Ⲡⲭ̅ⲥ̅.

Ⲁⲥⲅⲉⲕ ⲉ̀ⲃⲟⲗ ⲙ̀ⲡⲉⲥⲃⲓⲟⲥ: ϧⲉⲛ ⲡⲉⲥⲛⲓϣϯ ⲛ̀ⲑⲉⲃⲓⲟ: ⲁⲥⲙ̀ⲧⲟⲛ ⲙ̀ⲙⲟⲥ ⲛⲉⲙ ⲛⲏⲉ̅ⲑ̅ⲩ̅: ϧⲉⲛ ⲧ̀ⲭⲱⲣⲁ ⲛ̀ⲧⲉ ⲛⲏⲉ̀ⲧⲟⲛϧ.

Ⲭⲉⲣⲉ ϯⲁ̀ⲗⲟⲩ ⲙ̀ⲡⲁⲣⲑⲉⲛⲟⲥ: ϯⲥⲉⲙⲛⲉ ⲙ̀ⲡⲁⲛⲁ̀ⲅⲓⲁ: ϯϣⲉⲗⲉⲧ ⲛ̀ⲕⲁⲑⲁⲣⲟⲥ: ϯⲁ̀ⲅⲓⲁ ⲙ̀ⲙⲏⲓ (...).

Ⲭⲉⲣⲉ ⲛⲉ ⲱ̀ ϯⲁ̀ⲅⲓⲁ: ⲭⲉⲣⲉ ⲛⲉ ⲱ̀ ϯⲁ̀ⲅⲛⲓⲁ: ⲭⲉⲣⲉ ⲛⲉ ⲱ̀ ϯⲁ̀ⲥⲕⲏⲧⲏⲥ: ϯϣⲉⲗⲉⲧ ⲡⲓⲆⲉⲥⲡⲟⲩⲧⲏⲥ.

Ⲧⲱⲃϩ ⲙ̀Ⲡⲟ̅ⲥ̅ ⲉ̀ϩ̀ⲣⲏⲓ ⲉ̀ϫⲱⲛ: ⲱ̀ ϯⲁ̀ⲅⲓⲁ ⲙ̀ⲙⲏⲓ (...): ϯϣⲉⲗⲉⲧ ⲛ̀ⲧⲉ Ⲡⲭ̅ⲥ̅: ⲛ̀ⲧⲉϥ ⲭⲁ ⲛⲉⲛⲛⲟⲃⲓ ⲛⲁⲛ ⲉ̀ⲃⲟⲗ.