Doxology 3 :: Ⲁ̀ⲙⲱⲓⲛⲓ ⲁ̀ⲛⲁⲩ ⲉ̀ⲡⲉⲛⲤⲱⲧⲏⲣ :: الذكصولوجية الثالثة
Great Lent - Saturday & Sunday - Matins & Vespers
Ibrahim Ayad
Come see our Savior, the good Lover of mankind, He performed the work of fasting, with His great humility.
Ⲁ̀ⲙⲱⲓⲛⲓ ⲁ̀ⲛⲁⲩ ⲉ̀ⲡⲉⲛⲤⲱⲧⲏⲣ: ⲡⲓⲘⲁⲓⲣⲱⲙⲓ ⲛ̀ⲁ̀ⲅⲁⲑⲟⲥ: ⲁϥⲓ̀ⲣⲓ ⲙ̀ⲡ̀ϩⲱⲃ ⲛ̀ϯⲛⲏⲥⲧⲓⲁ: ⲛⲉⲙ ⲡⲉϥⲛⲓϣϯ ⲛ̀ⲑⲉⲃⲓⲟ.
تعالوا أنظروا مخلصنا، محب البشر الصالح، صنع فعل الصوم، بتواضعه العظيم.
+ He was above the high mountains, with bodily discipline, He taught us the way in order, that we may walk like Him.
+ Ⲥⲁⲡ̀ϣⲱⲓ ⲛ̀ⲛⲓⲧⲱⲟ̀ⲩ ⲉⲧϭⲟⲥⲓ: ϧⲉⲛ ⲟ̀ⲩⲱ̀ⲣϥ ⲛ̀ⲥⲁⲣⲕⲓⲕⲟⲛ: ⲁϥⲧⲁⲙⲟⲛ ⲉ̀ⲡⲓⲙⲁ ⲙ̀ⲙⲟϣⲓ: ϩⲓⲛⲁ ⲛ̀ⲧⲉⲛⲙⲟϣⲓ ⲙ̀ⲡⲉϥⲣⲏϯ.
فوق الجبال العالية، بإنفراد جسدي، وعلمنا المسلك، لكي نسلك مثله.
He conquered the enemy's strength, his snares and his deceptions, He humiliated the tempter, before Him.
Ⲁϥⲕⲱⲣϥ ⲛ̀ⲧ̀ϫⲟⲙ ⲛ̀ⲧⲉ ⲡⲓϫⲁϫⲓ: ⲛⲉⲙ ⲛⲉϥⲕⲟⲧⲥ ⲛⲉⲙ ⲛⲉϥⲕⲉⲗⲱⲓϫⲓ: ⲟⲩⲟϩ ⲡⲓⲣⲉϥⲉⲣⲡⲓⲣⲁⲍⲓⲛ: ⲁϥϭⲓϣⲓⲡⲓ ⲙ̀ⲡⲉϥⲙ̀ⲑⲟ.
أبطل قوه العدو، وحيله وحججه، وأفتضح المجرب، أمامه.
+ His own disciples, and holy apostles, witnessed His victory, over the enemy's snares.
+ Ⲛⲏⲉ̀ⲧⲉ ⲛⲟⲩϥ ⲙ̀ⲙⲁⲑⲏⲧⲏⲥ: ⲟⲩⲟϩ ⲛ̀ⲁ̀ⲡⲟⲥⲧⲟⲗⲟⲥ ⲉ̅ⲑ̅ⲩ̅: ⲉⲩⲉ̀ⲣⲙⲉⲑⲣⲉ ⲉ̀ⲡⲉϥϭⲣⲟ: ⲉ̀ϫⲉⲛ ⲛⲓⲗⲱⲓϫⲓ ⲛ̀ⲧⲉ ⲡⲓϫⲁϫⲓ.
والتلاميذ خواصه، والرسل الآطهار، شهدوا بغلبته، علي حجج العدو.
A great and plenteous profit, is found in fasting, it purges sins and covers those, who are defiled.
Ⲟ̀ⲩⲛⲓϣϯ ⲛ̀ϩⲏⲟⲩ ⲉ̀ⲛⲁϣⲱϥ: ϥ̀ϣⲟⲡ ⲉ̀ⲃⲟⲗϧⲉⲛ ϯⲛⲏⲥⲧⲓⲁ: ϥ̀ⲛⲁϥⲱϯ ⲛ̀ⲛⲓⲛⲟⲃⲓ: ϥ̀ⲉ̀ⲣⲥ̀ⲕⲉⲡⲁⲍⲓⲛ ⲛ̀ⲛⲏⲉ̀ⲧϭⲁϧⲉⲙ.
ربح عظيم كثير، كائن في الصوم، يمحو الخطايا، ويستر للذين تدنسوا.
+ Remove laziness, and take watch, seek after the love of brothers, and seek fellowship.
+ Ⲭⲱ ⲙ̀ϯⲙⲉⲧⲁⲙⲉⲗⲏⲥ: ⲟⲩⲟϩ ϭⲓ ⲛ̀ϯⲙⲉⲧⲓⲏⲥ: ⲕⲱϯ ⲛ̀ⲥⲁ ϯⲙⲉⲧⲙⲁⲓⲥⲟⲛ: ⲟⲩⲟϩ ϭⲟϫⲓ ⲛ̀ⲥⲁ ϯⲁ̀ⲅⲁⲡⲏ.
اتركوا الكسل، وتنشطوا، اطلبوا المحبة الأخوية، وإسعوا نحو المودة.
The perfection of humility, the truth of piety, and the forgiveness of iniquities, come from fasting.
Ⲡ̀ϫⲱⲕ ⲙ̀ⲡⲓⲑⲉⲃⲓⲟ ⲉ̀ⲃⲟⲗ: ⲟⲩⲟϩ ϯⲙⲉⲑⲙⲏⲓ ⲛ̀ϯⲙⲉⲧⲉⲩⲥⲉⲃⲏⲥ: ⲡ̀ⲭⲱ ⲉ̀ⲃⲟⲗ ⲛ̀ⲛⲓⲁ̀ⲛⲟⲙⲓⲁ: ⲉ̀ⲃⲟⲗ ϩⲓⲧⲟⲧⲥ ⲛ̀ϯⲛⲏⲥⲧⲓⲁ.
كمال التواضع، وبر التقوي، وغفران الآثام، من قِبَل الصوم.
+ To those who follow, fasting and prayer, swords and weapons, endure in their hands.
+ Ⲛⲏⲉ̀ⲑⲛⲁⲁ̀ⲙⲟⲛⲓ ⲛ̀ⲧⲟⲧⲥ: ⲛ̀ϯⲛⲏⲥⲧⲓⲁ ⲛⲉⲙ ⲡⲓϣ̀ⲗⲏⲗ: ⲉ̀ⲣⲉ ϩⲁⲛⲥⲏϥⲓ ⲛⲉⲙ ϩⲁⲛϩⲟⲡⲗⲟⲛ: ⲉⲩⲙⲏⲛ ⲉ̀ⲃⲟⲗ ϧⲉⲛ ⲛⲟⲩϫⲓϫ.
المتمسكون، بالصوم والصلاة دائماً، بأيديهم سيوف، وأسلحة.
O King of peace, our Lord Jesus Christ, bless fasting and all those, who perform it.
Ⲡ̀Ⲟⲩⲣⲟ ⲛ̀ⲧⲉ ϯϩⲓⲣⲏⲛⲏ: ⲡⲉⲛⲟ̅ⲥ̅ Ⲓⲏ̅ⲥ̅ Ⲡⲭ̅ⲥ̅: ⲉⲣⲙⲁⲕⲁⲣⲓⲍⲓⲛ ⲛ̀ϯⲛⲏⲥⲧⲓⲁ: ⲛⲉⲙ ⲟ̀ⲩⲟ̀ⲛ ⲛⲓⲃⲉⲛ ⲉ̀ⲧⲁⲩⲓ̀ⲣⲓ ⲙ̀ⲙⲟⲥ.
ربنا يسوع المسيح، ملك السلام، يغبط الصوم، وكل من مارسه.
+ All kinds of evil, flee and are destroyed, through prayer and fasting, and supplications.
+ Ⲡ̀ⲅⲉⲛⲟⲥ ⲛ̀ⲛⲓⲡⲟⲛⲏⲣⲟⲥ: ϣⲁⲩⲫⲱⲧ ϣⲁⲩⲧⲁⲕⲟ: ⲉ̀ⲃⲟⲗϩⲓⲧⲉⲛ ϯⲡ̀ⲣⲟⲥⲉ̀ⲩⲭⲏ: ⲛⲉⲙ ϯⲛⲏⲥⲧⲓⲁ ⲛⲉⲙ ⲛⲓⲧⲱⲃϩ.
جنس الأشرار، يهربون ويهلكون، بواسطة الصلاة، والطلبات مع الصوم.
Christ's martyrs, defeated the sufferings, through fasting and the patience, that comes with it.
Ⲛⲓⲙⲁⲣⲧⲩⲣⲟⲥ ⲛ̀ⲧⲉ Ⲡⲭ̅ⲥ̅: ⲁⲩϭⲣⲟ ⲛ̀ⲛⲓⲃⲁⲥⲁⲛⲟⲥ: ⲉ̀ⲃⲟⲗ ϩⲓⲧⲟⲧⲥ ⲛ̀ϯⲛⲏⲥⲧⲓⲁ ⲛⲉⲙ ⲡ̀ϥⲁⲓ ⲛ̀ⲧⲉⲥϩⲩⲡⲟⲙⲟⲛⲏ.
شهداء المسيح، تغلبوا علي العذاب، بواسطة الصوم، وإحتمال صبره.
+ The wise virgins, who are clothed with purity, carry their lamps full of oil, through prayer and fasting.
+ Ⲛⲓⲥⲁⲃⲉⲩ ⲙ̀ⲡⲁⲣⲑⲉⲛⲟⲥ: ⲛⲏⲉ̀ⲧϫⲟⲗϩ ⲙ̀ⲡⲓⲧⲟⲩⲃⲟ: ⲛⲟⲩⲗⲁⲙⲡⲁⲥ ⲛⲁⲩⲙⲉϩ ⲛ̀ⲛⲉϩ: ⲉⲑⲃⲉ ⲡⲓϣ̀ⲗⲏⲗ ⲛⲉⲙ ϯⲛⲏⲥⲧⲓⲁ.
العذاري الحكيمات، المتسربلات بالطهارة، كانت مصابيحهن مملوءة زيتاً، بالصلاة والصوم.
Those who please the Lord God, with their good works, love the beauty of fasting, and the patience that comes with it.
Ⲛⲏⲉ̀ⲧⲁⲩⲣⲁⲛⲁϥ ⲙ̀Ⲡ̀ⲟ̅ⲥ̅ Ⲫ̀ϯ: ϧⲉⲛ ⲛⲟⲩϩ̀ⲃⲏⲟ̀ⲩⲓ̀ ⲉⲑⲛⲁⲛⲉⲩ: ⲁⲩⲙⲉⲛⲣⲉ ⲡ̀ⲥⲁⲓ ⲛ̀ϯⲛⲏⲥⲧⲓⲁ: ⲛⲉⲙ ⲡ̀ⲥⲁⲓ ⲛ̀ⲧⲉⲥϩⲩⲡⲟⲙⲟⲛⲏ.
الذين أرضوا الرب الإله، بأعمالهم الصالحة، أحبوا بهاء الصوم، وإحتمال صبره.
+ David proclaimed, in the holy psaltery saying, "I will decorate my soul, before You with fasting."
+ Ⲁϥⲱ̀ϣ ⲉ̀ⲃⲟⲗ ⲛ̀ϫⲉ Ⲇⲁⲩⲓⲇ: ϧⲉⲛ ⲡⲓⲯ̀ⲁⲗⲧⲏⲣⲓⲟⲛ ⲉ̅ⲑ̅ⲩ̅: ϫⲉ ϯⲛⲁⲕⲟⲗϫ ⲛ̀ⲧⲁⲯ̀ⲩⲭⲏ: ⲙ̀ⲡⲉⲕⲙ̀ⲑⲟ ϧⲉⲛ ⲟ̀ⲩⲛⲏⲥⲧⲓⲁ.
صرخ داود في سفر، المزامير المقدس قائلاً، "إني أحنيت نفسي، أمامك بالصوم."
Paul the Apostle, the perfume-tongue says, "In fasting and watchfulness, through the days and nights."
Ⲡⲁⲩⲗⲟⲥ ⲡⲓⲁ̀ⲡⲟⲥⲧⲟⲗⲟⲥ: ⲟⲩⲟϩ ⲫ̀ⲗⲁⲥ ⲙ̀ⲡⲓⲥ̀ⲑⲟⲓⲛⲟⲩϥⲓ: ϫⲉ ϧⲉⲛ ⲟ̀ⲩⲛⲏⲥⲧⲓⲁ ⲛⲉⲙ ⲟ̀ⲩϣ̀ⲣⲱⲓⲥ: ϧⲉⲛ ϩⲁⲛⲉ̀ϩⲟⲟ̀ⲩ ⲛⲉⲙ ϩⲁⲛⲉ̀ϫⲱⲣϩ.
وبولس الرسول، لسان العطر يقول، "إني بصوم وسهر، في الأيام والليالي."
+ "Our Father who art in heaven, hallowed be Your name, may Your kingdom come, for Yours is the glory forever Amen."
+ Ϫⲉ ⲡⲉⲛⲒⲱⲧ ⲉⲧϧⲉⲛ ⲛⲓⲫⲏⲟ̀ⲩⲓ̀: ⲙⲁⲣⲉϥⲧⲟⲩⲃⲟ ⲛ̀ϫⲉ ⲡⲉⲕⲣⲁⲛ: ⲙⲁⲣⲉⲥⲓ̀ ⲛ̀ϫⲉ ⲧⲉⲕⲙⲉⲧⲟ̀ⲩⲣⲟ: ϫⲉ ⲫⲱⲕ ⲡⲉ ⲡⲓⲱ̀ⲟ̀ⲩ ϣⲁ ⲛⲓⲉ̀ⲛⲉϩ ⲁ̀ⲙⲏⲛ.
"أبانا الذى فى السموات، ليتقدس إسمك، ليأت ملكوتك، لأن لك المجد إلى الأبد آمين."
